ବଲିଉଡ୍‌ରେ lip-lop ନୂଆ ନୁହେଁ: ୮୫ବର୍ଷ ପୂର୍ବେ ଆରମ୍ଭ ହୋଇଥିଲା ଟ୍ରେଣ୍ଡ

ମୁମ୍ବାଇ: ୨୦୧୧ରେ ରିଲିଜ୍‌ ହୋଉଥିଲା ଫିଲ୍ମ ‘ଡର୍ଟି ପିକ୍ଚର’। ଏଥିରେ ବିଦ୍ୟା ବାଲାନ୍‌ଙ୍କର ଏକ ଡାଇଲୋଗ୍‌ ଆପଣଙ୍କର ନିଶ୍ଟୟ ମନେଥିବ। ତାହା ହେଉଛି ଫିଲ୍ମ କେବଳ ତିନୋଟି ଜିନିଷ ପାଇଁ ଚାଲେ। ‘ଏଣ୍ଟରଟେନ୍‌ମେଣ୍ଟ’, ‘ଏଣ୍ଟରଟେନ୍‌ମେଣ୍ଟ’,’ଏଣ୍ଟରଟେନ୍‌ମେଣ୍ଟ’। କିନ୍ତୁ ବାସ୍ତବରେ ଦେଖିଲେ ଫିଲ୍ମ ଚାଲିବା ପାଇଁ କେବଳ ଏଣ୍ଟରଟେନ୍‌ମେଣ୍ଟର ନୁହେଁ। ଗୋଟେ ହିଟ୍‌ ଫିଲ୍ମ ପାଇଁ ଏଣ୍ଟରଟେନ୍‌ମେଣ୍ଟ ସହ ଭଲ କାହାଣୀ, ଅଭିନୟ ସହ କିଛି କୋଲ୍ଟ ସିନ୍‌ ମଧ୍ୟ ଦରକାର। ଆପଣ ଏବେ ମୋ ସହ ଯୁକ୍ତି ବାଢିପାରନ୍ତି ଯେ, ବୋଲ୍ଡ ସିନ୍‌ର କ’ଣ ଆବଶ୍ୟକ। ଲିପ୍‌ କିସ୍‌ ଏବଂ ବୋଲ୍ଡ ସିନ୍‌ ଆମ ସଂସ୍କୃତିକୁ ବିପରୀତ ଦିଗକୁ ନେଇ ଯାଉଛି। ସମାଜ ଓ ଯୁବ ପିଢିଙ୍କ ଉପରେ ଏହାର ଖରାପ ପ୍ରଭାବ ମଧ୍ୟ ପଡୁଛି। ଆଜିକାଲି କେବଳ ଏମିତି ଫିଲ୍ମ ହେଉଛି, ଯେଉଁଥିରେ ନଗ୍ନତା ଓ ବୋଲ୍ଡ ସିନ୍‌କୁ ଗୁରୁତ୍ୱ ଦିଆଯାଉଛି। ଯଦି ଆପଣ ସତରେ ସେମିତି ଭାବୁଥାନ୍ତି ତେବେ ଆପଣ ଭୁଲ୍‌ ଭାବୁଛନ୍ତି। କାରଣ ଏ କିସିଂ ବା ଲିପ୍‌ଲପ୍‌ ପ୍ରଥା ନୂଆ ଟ୍ରେଣ୍ଡ ନୁହେଁ। ୮୫ବର୍ଷ ପୂର୍ବେ ଜଣେ ଅଭିନେତ୍ରୀ ଆରମ୍ଭ କରିଥିଲେ ଏହି ଲିପ୍‌ଲପ୍‌। ହେଲେ ଫିଲ୍ମଟି ରିଲିଜ୍ ହୋଇପାରିନଥିଲା। ସେନ୍‌ସର ବୋର୍ଡ ଏହାକୁ ବ୍ୟାନ୍‌ କରିଦେଇଥିଲା।

୧୯୩୦ ଏବଂ ୪୦ ଦଶକର ଚର୍ଚ୍ଚିତ ଅଭିନେତ୍ରୀ ଦେବୀକା ରାଣୀକୁ ଭାରତୀୟ ସିନେମାର ପ୍ରଥମ ଅଭିନେତ୍ରୀ କୁହାଯାଏ। ୩୦ମାର୍ଚ୍ଚ ୧୯୦୮ରେ ତାଙ୍କର ଜନ୍ମ ହୋଇଥିଲା। ମଧ୍ୟପ୍ରଦେଶର ବାଲ୍ଟେୟର ନଗରରେ ଏକ ବେଙ୍ଗଲୀ ପରିବାରରେ ଜନ୍ମ ହୋଇଥିଲେ ଦେବୀକା। ତାଙ୍କ ପିତା କର୍ଣଲ ଏମ୍‌ଏନ୍‌ ଭାରତର ପ୍ରଥମ ସର୍ଜନ ଜେନେରାଲ ଥିଲେ। ଯେଉଁ ସମୟରେ ମହିଳାମାନଙ୍କୁ ଘରୁ ବାହାରକୁ ଯିବାକୁ ବିରୋଧ କରାଯାଉଥିଲେ ଦେବୀକା ଫିଲ୍ମରେ ଅଭିନୟ କରୁଥିଲେ।

ଦେବୀକା ୯ବର୍ଷର ହୋଇଥିବା ବେଳେ, ପାଠପଢିବାକୁ ଇଂଲଣ୍ଡ ଚାଲି ଯାଇଥିଲା। ଇଂଲଣ୍ଡରେ ସେ ରୟାଲ ଏକାଡେମୀ ଅଫ୍‌ ଡ୍ରାମାଟିକ୍‌ ଆର୍ଟରେ ପାଠପଢା ସାରିଥିଲେ। ଭାରତ ଫେରିବା ପରେ ସେ ଅଭିନୟ କରିବା ପାଇଁ ଚାହିଁଲେ, କିନ୍ତୁ ତାଙ୍କ ଘରଲୋକେ ଏଥିପାଇଁ ରାଜି ନଥିଲେ। ଏହାପରେ ସେ ବାସ୍ତୁକଳାରେ ଡିପ୍ଲୋମା କଲେ। ସେ ସମୟରେ ଦେବୀକାଙ୍କ ଭେଟ ହୋଇଥିଲା ଫିଲ୍ମ ନିର୍ମାତା ବୁସ୍ର ବୁଲ୍ଫଙ୍କ ସହ। ସେ ଦେବୀକାଙ୍କ ବାସ୍ତୁକଳା ପ୍ରତିଭାରେ ପ୍ରଭାବିତ ହୋଇ ଡିଜାଇନର ଭାବେ ନିଯୁକ୍ତି ଦେଇଥିଲେ। ଡିଜାଇନିଂ କରୁଥିବା ସମୟରେ ଦିନେ ଦେବୀକାଙ୍କ ଭେଟ ହୋଇଥିଲା। ପ୍ରସିଦ୍ଧ ଫିଲ୍ମ ନିର୍ମାତା ହିମାସୁଂ ରାୟଙ୍କ ସହ।  ହିମାଂସୁ ଦେବିକାଙ୍କ ସୁନ୍ଦରତାରେ ମୁଗ୍ଧ ହୋଇ ୧୯୩୩ରେ ତାଙ୍କ ଫିଲ୍ମ ‘କର୍ମ’ରେ ଅଭିନୟ କରିବାର ସୁଯୋଗ ଦେଲେ। ଏହି ଫିଲ୍ମରେ ଦେବୀକାଙ୍କ ହିରୋ ହୋଇଥିଲେ ହିମାଂସୁ ରାୟ। ଏହି ଫିଲ୍ମରେ ଦେବୀକା ଏକ କିସ୍‌ ସିନ୍‌ କରିଥିଲେ। ଯାହା ସେ ସମୟର ସବୁଠୁ ଲମ୍ବା କିସ୍‌ସିନ୍‌ ଥିଲା। କିସ୍‌ଟି ଚାଲିଥିଲା ୧ମିନିଟ୍‌ ୪୪ସେକେଣ୍ଡ ପର୍ଯ୍ୟନ୍ତ

ଏହି କିସ୍‌ ସିନ୍‌ ପାଇଁ ଦେବୀକାଙ୍କୁ ଅନେକ ସମାଲୋଚନାର ଶିକରା ହେବାକୁ ପଡିଲା। କିସ୍‌ ସିନ୍‌ ପାଇଁ ଫିଲ୍ମରେ ପ୍ରତିବନ୍ଧ ମଧ୍ୟ ଲାଗିଯାଇଥିଲା। ଏହା ପରେ ହିମାଂସୁ ଦେବୀକାଙ୍କୁ ବିବାହ କରି ମୁମ୍ବାଇ ଚାଲି ଯାଇଥିଲେ।