‘ସୋନୁ ସଙ୍ଗ୍’ ଷ୍ଟାଇଲରେ ‘ରାନୀ ସଙ୍ଗ୍’: ଭିଡିଓ ଦେଖିଲେ ଆପଣ ବି ହୋଇଯିବେ ଖୁସ୍

ଭୁବନେଶ୍ୱର (ଓଡ଼ିଶା ରିପୋର୍ଟର): ସୋସିଆଲ ମିଡ଼ିଆରେ କିଛିଦିନ ହେବ ଭାଇରାଲ୍ ହେବାରେ ଲାଗିଛି ‘ସୋନୁ ସଙ୍ଗ’। ମରାଠୀରୁ ଆରମ୍ଭ ହେଇଥିବା ଏହି ଗୀତର ଷ୍ଟାଇଲ୍ ଏବେ ଅଧିକାଂଶ ଭାଷାରେ ଦେଖିବାକୁ ମିଳିଲାଣି। ବାସ୍ତବରେ ଏହି ଗୀତ ଷ୍ଟାଇଲ୍ ମରାଠୀର ଏକ ଲୋକସଙ୍ଗୀତରୁ ଆସିଛି। କିନ୍ତୁ ଏହାକୁ ଲୋକପ୍ରିୟ କରିଛନ୍ତି ସୋନୁ ନାମକ ଜଣେ ସାଧାରଣ ଗାୟିକା। ତେବେ ଏହି ଗୀତ ଷ୍ଟାଇଲର ବିଶେଷତ୍ୱ ହେଲା, ଏବେ ଏହି ଷ୍ଟାଇଲ୍ ଅନ୍ୟ ଭାଷା ସମେତ ଓଡ଼ିଆରେ ବି ତିଆରି ହେଲାଣି। ଏମିତିକି ଓଡ଼ିଶାର ଏକ ଲୋକପ୍ରିୟ ଟିଭି ଧାରାବାହିକର ଟିମ୍ ମଧ୍ୟ ଏହି ଢାଞ୍ଚାରେ ଏକ ଗୀତ ତିଆରି କରିଛନ୍ତି।

ଲୋକପ୍ରିୟ ଓଡ଼ିଆ ମନୋରଂଜନଧର୍ମୀ ଟିଭି ଚ୍ୟାନେଲ୍ ତରଙ୍ଗରେ ଏବେ ପ୍ରସାରିତ ହେଉଛି ଏକ ଧାରାବାହିକ, ଯାହାର ନାଁ ହେଲା ‘ରାନୀ’। ଏକ ଛୋଟ ଝିଅକୁ କେନ୍ଦ୍ରିତ କରି ପ୍ରସାରିତ ଏହି ଧାରାବାହିକରେ ‘ରାନୀ’ ଖୁବ୍ ଲୋକପ୍ରିୟ ଓଡ଼ିଶାର ଘରେ ଘରେ। ଏବେ ଏହି ଲୋକପ୍ରିୟ ଧାରାବାହିକକୁ ଅଧିକ ଲୋକପ୍ରିୟ କରିବାକୁ ଏହାର ଟିମ୍ ଏକ ଅଭିନବ ଉପାୟ ଅବଲମ୍ବନ କରିଛି। ରାନୀ ଟିମ୍‌ର କିଛି କଳାକାର ମିଶି ‘ସୋନୁ ସଙ୍ଗ’ ଷ୍ଟାଇଲରେ ଏକ ସୁନ୍ଦର ଗୀତ ତିଆରି କରିଛନ୍ତି।

(ଭିଡିଓ ଦେଖନ୍ତୁ ଓ ଗୀତଟି ଶୁଣନ୍ତୁ) ଏହାକୁ ସେମାନେ ନାଁ ଦେଇଛନ୍ତି ‘ରାନୀ ସଙ୍ଗ’।

ଗୀତଟିକୁ ପୁରା ସୋନୁ ସଙ୍ଗ ଶୈଳୀରେ ପ୍ରସ୍ତୁତ କରାଯାଇଛି। ଏଥିରେ ରାନୀ ସିରିଏଲର କଳାକରଙ୍କ ମଧ୍ୟରୁ ରାଜା, ରାନୀ, ବିମଲ, ସୁଷମା ପ୍ରଭୃତି ସାମିଲ ହୋଇଛନ୍ତି। ଗୀତଟି ମଧ୍ୟ ଖୁବ୍ ମଜାଦାର ହୋଇଛି। ଏଥିରେ ରାନୀକୁ ସମ୍ବୋଧନ କରି ଗୁଡ଼ାଏ ମଜାଳିଆ କଥା କୁହାଯାଇଛି। ତା’ ଗୁଣ ବିଷୟରେ ଗୀତର ଲିରିକ୍ସରେ କୁହାଯାଇଛି। ଗୀତଟି ସତରେ ମଜାଦାର ହୋଇଛି।