ମୁମ୍ବାଇ: ବଲିଉଡ ଅଭିନେତା ଗୋବିନ୍ଦାଙ୍କ ପରେ ଏବେ ମିଷ୍ଟର ଇଣ୍ଡିଆର କ୍ୟାଲେଣ୍ଡର ଚରିତ୍ରରେ ଅଭିନୟ କରିଥିବା ସତୀଶ କୌସିକ୍ ଦିଲ୍ଲୀର ରଜୋରୀ ଗାର୍ଡେନ୍ ଅଞ୍ଚଳରେ ଏକ ରେସ୍ତୋରାଁ ଖୋଲିଛନ୍ତି।
ଏହାର ନାମ ମଧ୍ୟ ସେ ‘ମିଷ୍ଟର ଇଣ୍ଡିଆ’ରେ ତାଙ୍କ ଚରିତ୍ରର ନାଁ ‘କ୍ୟାଲେଣ୍ଡର୍ସ କିଚେନ୍’ ନାମରେ ନାମିତ କରିଛନ୍ତି। ରେସ୍ତୋରାଁର ନାମ ‘କ୍ୟାଲେଣ୍ଡର୍ସ କିଚେନ୍’ କାହିଁକି ରଖିଛନ୍ତି ବୋଲି ପଚାରିବାରୁ ସେ କହିଛନ୍ତି, “ଫିଲ୍ମରେ ତାଙ୍କର ଏହି ନାଁ ସହ ଚରିତ୍ରକୁ ଦର୍ଶକ ଖୁବ୍ ପସନ୍ଦ କରିଥିଲେ। ତେଣୁ ସେ ଏହି ନାଁ ବାଛିଛନ୍ତି।
ସେ ଏହା ମଧ୍ୟ କହିଛନ୍ତି, “ଦିଲ୍ଲୀ ଜନତା ଖୁବ୍ ଖାଦ୍ୟ ପ୍ରେମୀ ଏବଂ ‘କ୍ୟାଲେଣ୍ଡର କିଚେନ୍ରେ’ ଚାଇନିସ୍ ଠାରୁ ଆରମ୍ଭ କରି ଥାଇ ପର୍ଯ୍ୟନ୍ତ ସବୁ ପ୍ରକାର ଖାଦ୍ୟର ସ୍ୱାଦ ଏଠାରେ ପାଇପାରିବେ। ଏହାଛଡ଼ା ଏକ ସୁନ୍ଦର ପରିବେଶର ମଧ୍ୟ ମଜା ନେଇ ପାରିବେ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
