ଶାହୀଦ୍‌ ଓ ସୋନମ ହାତେଇଲେ ‘ହଟ୍‌ ଭେଜିଟେରିଆନ୍‌ ଟାଇଟଲ’

ମୁମ୍ବାଇ: ଶାହୀଦ୍‌ ଓ ସୋନମ କପୁରଙ୍କୁ ‘ପେଟା’ ତରଫରୁ ୨୦୧୬ର ସବୁଠୁ ହଟ୍‌ ଭେଜିଟାରିଆନ୍‌ ଭାରତୀୟ ଭାବେ ସମ୍ମାନିତ କରାଯାଇଛି। ଏହି ଖବରକୁ ସୋନମ ଟ୍ୱିଟ୍‌ ଜରିଆରେ ଜଣାଇଛନ୍ତି। ଦୁହେଁ ପଞ୍ଜାବୀ ପରିବାରରୁ ହୋଇଥିଲେ ମଧ୍ୟ ସେମାନେ ନନ୍ ଭେଜ୍‌ ଖାଦ୍ୟରୁ ସବୁବେଳେ ଦୂରେଇ ରହୁଥିବା କଥା କହିଛନ୍ତି।

ଏକ ଖବରକାଗଜକୁ ସାକ୍ଷାତକାରରେ ସୋନମ କହିଛନ୍ତି, ସେ ୪ ରୁ ୫ ବର୍ଷ ହେବ ନନ୍ ଭେଜ୍‌ ଖାଇବା ଛାଡ଼ି ଦେଇଛନ୍ତି। ଅନ୍ୟ ପଟେ ଶହୀଦ୍‌ଙ୍କ ସବୁ ପଶୁ, ପକ୍ଷୀଙ୍କ ପ୍ରତି ଭଲପାଇବା ତାଙ୍କୁ ଆମୀଷ ଖାଇବା ଠାରୁ ଦୂରେଇ ରଖିଥିବା କଥା ସେ କହିଛନ୍ତି।

‘ପେଟା’ର ଖବର ମୁତାବକ ଶାହୀଦ୍‌ ଓ ସୋନମ ଏହି ପ୍ରତିଯୋଗିତାରେ ଅମିତାଭ ବଚ୍ଚନ, ଆଲିଆ ଭଟ୍ଟ, କଙ୍ଗନା, ଆର୍‌.ମାଧବନ ଏବଂ ସନିଲିଓନିଙ୍କ ପରି ପ୍ରତିଯୋଗୀଙ୍କୁ ପଛରେ ପକାଇ ଏହି ଟାଇଟଲ ହାତେଇଛନ୍ତି।