ଭୁବନେଶ୍ୱର(ଓଡ଼ିଶା ରିପୋର୍ଟର୍): ଆଜି ଆମେ ଚିକେନ୍କୁ ନେଇ ପ୍ରସ୍ତୁତ ନିଆରା ସ୍ୱାଦର 'ରେଶ୍ମି ଚିକେନ୍'ର ପ୍ରସ୍ତୁତି ସମ୍ପର୍କରେ ଆପଣଙ୍କୁ କହିବୁ।
ଆବଶ୍ୟକ ସାମଗ୍ରୀ: ଚିକେନ୍, ପିଆଜ, ଟମାଟୋ, ଶିମଲା ଲଙ୍କା, ଅଦା ରସୁଣ ପେଷ୍ଟ, କାଜୁ ବଟା, ଧନିଆ ପାଉଡର୍, ହଳଦୀ ଗୁଣ୍ଡ, ଲଙ୍କା ଗୁଣ୍ଡ, କ୍ରିମ୍, ଗରମ ମସଲା, ତେଲ ଓ ଲୁଣ ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଚିକେନ୍ରେ ଲୁଣ, ହଳଦୀ ଓ ଦହି ଗୋଳାଇ ମ୍ୟାରିନେଟ୍ ପାଇଁ ୧ ଘଣ୍ଟା ରଖି ଦିଅନ୍ତୁ। ପରେ କଡ଼େଇରେ ତେଲ ଗରମ କରି ପିଆଜ ପକାନ୍ତୁ। ଏବେ ଏଥିରେ କଟା ଟମାଟୋ ଏବଂ ଶିମଲା ଲଙ୍କା ପକାଇ କିଛି ସମୟ ପର୍ଯ୍ୟନ୍ତ ଫ୍ରାଏ କରନ୍ତୁ। ଏବେ ଅଦା ଓ ରସୁଣ ପେଷ୍ଟ, ଧନିଆ ପାଉଡର୍, ହଳଦୀ ଗୁଣ୍ଡ ଓ ଲଙ୍କା ଗୁଣ୍ଡ ପକାଇ ସିମ୍ କରି କଷନ୍ତୁ। ଏବେ ଏଥିରେ ଚିକେନ୍ ପକାଇ ଆହୁରି କଷନ୍ତୁ। ଚିକେନ୍ ଅଳ୍ପ ହୋଇ ଆସିଲେ ଏଥିରେ କାଜୁ ବଟା ପକାଇ ଆଉ କିଛି ସମୟ କଷନ୍ତୁ। ଚିକେନ୍ ସିଝିଗଲେ ଅଳ୍ପ ଉଷୁମ୍ ପାଣି ଦେଇ ଘୋଡ଼ାଇ ଦିଅନ୍ତୁ। କିଛି ସମୟ ପରେ ଏହା ଫୁଟିଗଲେ ଗ୍ୟାସ୍କୁ ବନ୍ଦ କରି ଉପରେ କ୍ରିମ୍ ଏବଂ ଗରମ ମସଲା ପକାଇ ଦିଅନ୍ତୁ। ଏବେ ପ୍ରସ୍ତୁତ ହୋଇଗଲା ସ୍ୱାଦିଷ୍ଟ 'ରେଶ୍ମି ଚିକେନ୍'। ଏହାକୁ ଗରମ ଗରମ ରୁଟି, ନାନ୍ କିମ୍ବା ଭାତ ସହ ପରଷନ୍ତୁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
