ଚେନ୍ନାଇ: ଦିନକୁ ଦିନ ମହାମାରୀ କରୋନା ଭାଇରସ ତାମିଲନାଡୁରେ କାୟା ବିସ୍ତାର କରିବାରେ ଲାଗିଛି। ଆଜି ଗୋଟିଏ ଦିନରେ ତାମିଲନାଡୁରେ ୧୨୧ ଜଣ ନୂଆ କରୋନା ରୋଗୀ ଚିହ୍ନଟ ହୋଇଛନ୍ତି। ଫଳରେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୨୦୫୮ରେ ପହଞ୍ଚି ଯାଇଛି।
ଆକ୍ରାନ୍ତ ୨୦୫୮ ଜଣଙ୍କ ମଧ୍ୟରେ ୧୨୧ ଦିନ ଛୋଟ ପିଲା ରହିଛନ୍ତି। ଏମାନଙ୍କ ବୟସ ୧୨ ବର୍ଷରୁ କମ ବୋଲି ତାମିଲନାଡୁ ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି। ବିଭାଗର ସୂଚନା ଅନୁଯାୟୀ, ଏଯାଏ ରାଜ୍ୟରେ ୧୩୯୧ ପୁରୁଷ ଓ ୬୬୬ ଜଣ ମହିଳା କରୋନାରେ ଆକ୍ରାନ୍ତ ହୋଇଛନ୍ତି।
୨୪ ଘଣ୍ଟା ମଧ୍ୟରେ ଚେନ୍ନାଇରେ ସର୍ବାଧିକ ୧୦୩ ଜଣ କରୋନା ରୋଗୀ ଠାବ ହୋଇଛନ୍ତି। ଫଳରେ ଚେନ୍ନାଇରେ ଆକ୍ରାନ୍ତଙ୍କ ସଂଖ୍ୟା ୬୭୩ରେ ପହଞ୍ଚି ଯାଇଛି। ଅନ୍ୟପକ୍ଷରେ ଏ ଯାଏ ୧୧୨୮ ଜଣ କରୋନା ରୋଗରୁ ମୁକ୍ତି ପାଇଥିବା ବେଳେ ୨୫ ଜଣ ପ୍ରାଣ ହରାଇଛନ୍ତି।
ଆଜିର ତାରିଖ ମଧ୍ୟରେ ୧,୦୧,୮୭୪ ଜଣଙ୍କର କରୋନା ଟେଷ୍ଟ ହୋଇଛି। ୩୦ଟି ସରକାରୀ ଓ ୧୧ଟି ଘରୋଇ ଲ୍ୟାବରେ ଏହି ପରୀକ୍ଷା ଗୁଡ଼ିକ କରାଯାଇଛି।