ନ୍ୟୁୟର୍କ: ଆମେରିକାର ନ୍ୟୁୟର୍କ ସହରରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଦୁଇଟି କାର୍ ମଧ୍ୟରେ ମୁହାଁ ମୁହିଁ ଧକ୍କା ହେବା ପରେ ଗୋଟିଏ କାର୍ ୨୦ ଜଣ ଲୋକଙ୍କୁ ଧକ୍କା ଦେଇ ଚାଲିଗଲା। ଏଥିରେ ୨୦ ଜଣଙ୍କ ମୃତ୍ୟୁ ଘଟିଛି।
ସୂଚନା ଅନୁସାରେ, ଦୁଇଟି କାର୍ ବିପରୀତ ଦିଗରୁ ଆସି ମୁହାଁମୁହିଁ ଧକ୍କା ହୋଇଥିଲେ। ଏହା ପରେ ଗୋଟିଏ କାର୍ ରାସ୍ତାକଡ଼ରେ ଏକ ଷ୍ଟୋର୍ ବାହାରେ ଠିଆ ଥିବା ଲୋକଙ୍କ ଉପରେ ମାଡ଼ି ଯାଇଥିଲା।
ପୁଲିସ୍ କହିଛି,“ଏକ କାର୍ ପାହାଡ଼ ଉପରୁ ଦ୍ରୁତ ଗତିରେ ତଳକୁ ଆସିବା ବେଳେ ବିପରୀତ ଦିଗରୁ ଆସୁଥିବା କାର୍ ସହ ଧକ୍କା ହୋଇ ଦୁଘର୍ଟଣାଗ୍ରସ୍ତ ହୋଇଥିଲା। ଏହା ପରେ କାର୍ଟି ରାସ୍ତାକଡ଼ରେ ଥିବା ଲୋକଙ୍କ ଉପରେ ମାଡ଼ି ଯାଇଥିଲା।”