ନୂଆଦିଲ୍ଲୀ: ଦେଶର ସବୁଠାରୁ ବଡ଼ ଟେଲିକମ୍ କମ୍ପାନୀ ଭାରତୀ ଏୟାରଟେଲ୍ ନିଜ ଗ୍ରାହକଙ୍କ ପାଇଁ ନୂଆ ପ୍ରିପେଡ୍ ପ୍ଲାନ୍ ଆରମ୍ଭ କରିଛି। ଏହି ପ୍ଲାନ୍ ଅନୁସାରେ ଏୟାରଟେଲ୍ ଗ୍ରାହକଙ୍କୁ ୭୦ ଦିନ ପାଇଁ ଅନ୍ଲିମିଟେଡ୍ କଲିଂ ଓ SMS ସହିତ ଫ୍ରି ରୋମିଙ୍ଗର ସୁବିଧା ମିଳିବ। ଏଥିରେ ଗ୍ରାହକଙ୍କୁ ପ୍ରତିଦିନ ୧ ଜିବି ଡାଟା ଦିଆଯିବ। ପ୍ଲାନ୍ର ମୂଲ୍ୟ ୪୪୮ ଟଙ୍କା ରହିଛି।
କେବଳ ଏୟାରଟେଲ୍ ନୁହେଁ, ରିଲାଏନ୍ସ ଜିଓ, ଭୋଡାଫୋନ୍ ଓ ଆଇଡିଆ ସେଲୁଲର ବି ୭୦ ଦିନ ବୈଧତା ଥିବା ପ୍ଲାନ୍ ଦେଉଛନ୍ତି। ୭୦ ଦିନ ପାଇଁ ଜିଓ ଦେଉଥିବା ପ୍ଲାନ୍ର ମୂଲ୍ୟ ୩୯୯ ରହିଛି। ଭୋଡାଫୋନ୍ ୪୫୮ ଟଙ୍କାରେ ୭୦ ଦିନ ପାଇଁ ଅନ୍ଲିମିଡେଡ୍ କଲିଂ ଓ ଏସ୍ଏମ୍ଏସ୍ ସହିତ ପ୍ରତିଦିନ ୧ ଜିବି ଡାଟା ଦେଉଛି।
ସେହିପରି ଆଇଡିଆ ସେଲୁଲର ୪୪୯ ଟଙ୍କାରେ ୭୦ ଦିନ ପାଇଁ ଅନ୍ଲିମିଡେଡ୍ କଲିଂ ଓ SMS ସହିତ ପ୍ରତିଦିନ ୧ ଜିବି ଡାଟା ଦେଉଛି।