ନୂଆଦିଲ୍ଲୀ: ପୂର୍ବରୁ ମଧ୍ୟ ବେଶ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚିତ ଥିବା ଏଆଇଏମ୍ଆଇଏମ୍ ନେତା ୱାରିସ୍ ପଠାନ୍ ଏବେ ପୁଣି ହିନ୍ଦୁ-ମୁସଲିମ୍ ପ୍ରସଙ୍ଗରେ ମୁହଁ ଖୋଲିଛନ୍ତି। ସରକାରଙ୍କ ବିରୋଧରେ ବିକ୍ଷୋଭରେ ଯୋଗ ଦେଇଥିବା ମୁସଲିମ୍ଙ୍କ ବାବଦରେ ଉଦାହରଣ ରଖି ସେ ଏପରି କହିଛନ୍ତି। ସେ କହିଛନ୍ତି, ମହିଳାଙ୍କୁ ଆମେ ବିକ୍ଷୋଭରେ ଆଗକୁ ରଖିଛୁ ବୋଲି କହୁଥିବା ଲୋକେ ଜାଣି ରଖିବା ଦରକାର ଆମେ ୧୫ କୋଟି ହୋଇପାରୁ, କିନ୍ତୁ ସମୟ ଆସିଲେ ୧୦୦ କୋଟିଙ୍କ ଉପରେ ଭାରି ପଡ଼ିବୁ।
ଏକ ଭିଡିଓ ଉଦ୍ବୋଧନରେ ସେ କହିଛନ୍ତି, ଏବେ କେବଳ ମହିଳାମାନେ ଆଗକୁ ଆସିଛିନ୍ତି ଏବଂ ତୁମର ଝାଳ ବାହାରି ଗଲାଣି। ଯଦି ଆମେ ସବୁ ଏକାଠି ଆସିବୁ, ତାହାଲେ ବୁଝିବ କ’ଣ ହେବ। ଆମେ ୧୫ କୋଟି କିନ୍ତୁ ୧୦୦ କୋଟିଙ୍କ ଉପରେ ଭାରି ପଡ଼ିବୁ, ମନେ ରଖିଥିବ ଏତିକି କଥା।
ସେ ଆହୁରି ମଧ୍ୟ କହିଥିଲେ, ସଂଖ୍ୟାଲଘୁ ଗୋଷ୍ଠୀ ‘ତୁମ ଆଜାଦୀ’ ଛଡ଼ାଇନେବାକୁ ଯଥେଷ୍ଟ ସକ୍ଷମ।