ନୂଆଦିଲ୍ଲୀ: ପୁରୁଣା ଟଙ୍କା ପ୍ରଚଳନ ବନ୍ଦ ହେବାର ଛଅ ଦିନ ବିତି ଯାଇଥିଲେ ମଧ୍ୟ ଏଟିଏମ୍ କାଉଣ୍ଟରରେ ଭିଡ଼ ପୂର୍ବ ପରି ଲାଗି ରହୁଛି। ଅନେକ ସ୍ଥାନରେ ଟଙ୍କା ଅଭାବ ନେଇ ଏଟିଏମ୍ କାଉଣ୍ଟର ମଧ୍ୟ ବନ୍ଦ ରହୁଛି। ତେବେ କାଉଣ୍ଟରକୁ ଯିବା ପୂର୍ବରୁ ଟଙ୍କାର ଉପଲବ୍ଧି ସଂପର୍କରେ ସିଏମ୍ଏସ୍ (କ୍ୟାସ୍ ମ୍ୟାନେଜମେଣ୍ଟ ଆଣ୍ଡ ସଲ୍ୟୁସନ୍ ଫର୍ମ) ତରଫରୁ www.cms.com ନାମକ ଏକ ୱେବ୍ସାଇଟ୍ ଜାରି କରାଯାଇଛି। ଏହି ୱେବସାଇଟକୁ ଯାଇ ନିଜ ରାଜ୍ୟ ଓ ସହର ନାମ ଲେଖିବା ପରେ ଆପଣ ନିଜ ସହରର କେଉଁ ଏଟିଏମ୍ କାଉଣ୍ଟରରେ ଟଙ୍କା ରହିଛି ସେ ସଂପର୍କରେ ସହଜରେ ଜାଣି ପାରିବେ।
ଏହି ୱେବ ପେଜରେ ବଡ଼ ବଡ଼ ବ୍ୟାଙ୍କର ସୂଚନା ରହିଥିବା ଜଣାପଡ଼ିଛି।