ନୂଆଦିଲ୍ଲୀ: ଜମ୍ମୁ-କଶ୍ମୀରରେ ରାଷ୍ଟ୍ରପତି ଶାସନର ମିଆଦ ବୃଦ୍ଧି କରିବାକୁ ଲୋକସଭା ପରେ ଆଜି ରାଜ୍ୟସଭାରେ ଏକ ବିଲ୍ ଆଗତ ହୋଇଛି। କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଏହି ବିଲ୍ ଆଗତ କରିଛନ୍ତି।
ଏହାବାଦ୍ ଜମ୍ମୁ-କଶ୍ମୀର ସଂଶୋଧନ ସଂରକ୍ଷଣ ବିଲ୍ ମଧ୍ୟ ଆଗତ ହୋଇଛି। ଏହି ଦୁଇ ବିଲ୍ ଲୋକସଭାରେ ପାସ୍ ହୋଇସାରିଛି। ଏବେ ରାଜ୍ୟସଭାରେ ଏହାକୁ ନେଇ ବିତର୍କ ଜାରି ରହିଛି। ୨୦୧୮ ଜୁନ୍ ମାସରୁ ଜମ୍ମୁ-କଶ୍ମୀରରେ ପ୍ରଥମେ ରାଜ୍ୟପାଳ ଓ ପରେ ରାଷ୍ଟ୍ରପତି ଶାସନ ଲାଗୁ କରାଯାଇଛି। ଏହାକୁ କେନ୍ଦ୍ର ସରକାର ଆଉ ୬ ମାସ ବୃଦ୍ଧି କରିବାକୁ ଚାହୁଁଛନ୍ତି।
ଚଳିତ ବର୍ଷ ଶେଷ ବେଳକୁ ଜମ୍ମୁ-କଶ୍ମୀରରେ ବିଧାନସଭା ନିର୍ବାଚନ ହେବାର ଅଛି। ସେ ପର୍ଯ୍ୟନ୍ତ ଏଠାରେ ରାଷ୍ଟ୍ରପତି ଶାସନ ଲାଗୁ କରିବା ସପକ୍ଷରେ କେନ୍ଦ୍ର ସରକାର ଯୁକ୍ତି ବାଢ଼ିଛନ୍ତି।
ଅନ୍ୟପକ୍ଷରେ ଜମ୍ମୁ-କଶ୍ମୀର ସଂଶୋଧନ ସଂରକ୍ଷଣ ବିଲ୍ରେ ଅନ୍ତର୍ଜାତୀୟ ସୀମାକୁ ଲାଗି ରହିଥିବା ଗାଁ ଗୁଡ଼ିକର ଲୋକମାନଙ୍କୁ ଶିକ୍ଷା ଓ ଚାକିରି କ୍ଷେତ୍ରରେ ସଂରକ୍ଷଣ ଦେବାକୁ କେନ୍ଦ୍ର ସରକାର ବ୍ୟବସ୍ଥା କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
