ପାଟଣା: ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ଏବେ ବିହାର ରାଜନୀତିକୁ ବାଏ ବାଏ କରିବେ। କାରଣ ସେ ଏବେ ଦିଲ୍ଲୀରେ ରାଜନୀତି କରିବେ। ଏଥିପାଇଁ ବିଜେପି ସମସ୍ତ ପ୍ରସ୍ତୁତି ଆରମ୍ଭ କରି ଦେଇଛି। ଦିବଂଗତ କେନ୍ଦ୍ରମନ୍ତ୍ରୀ ତଥା ରାଜ୍ୟସଭା ସାଂସଦ ରାମବିଳାଶ ପାଶଓ୍ୱାନଙ୍କ ଦେହାନ୍ତ ପରେ ଖାଲି ପଡ଼ିଥିବା ଆସନରେ ଉପନିର୍ବାଚନ ପାଇଁ ନିର୍ବାଚନ କମିଶନ ବିଜ୍ଞପ୍ତି ପ୍ରକାଶ କରିଥିଲେ। ଏବେ ସୁଶୀଲ ମୋଦି ଏହି ଆସନ ପାଇଁ ନାମାଙ୍କନ ଭରିବେ ବୋଲି କେନ୍ଦ୍ର ବିଜେପି ବିଜ୍ଞପ୍ତି ପ୍ରକାଶ କରି କହିଛି।
ସୁଶୀଲ ମୋଦି ଦିଲ୍ଲୀରେ ବିହାର ବିଜେପି ପାଇଁ ଚେହେରା ବୋଲି ଜଣାପଡ଼ିଛି। ଏଥିସହ କେନ୍ଦ୍ରମନ୍ତ୍ରୀ ଭାବରେ ମଧ୍ୟ ବିଜେପି ତାଙ୍କୁ ଦାୟିତ୍ୱ ଦେଇପାରେ। ନିକଟରେ ବିହାରରେ ବିଧାନସଭା ନିର୍ବାଚନ ହୋଇଥିଲା। ଏନିଡିଏ ପୁଣିଥରେ କ୍ଷମତାକୁ ଫେରିଛି। ହେଲେ ସୁଶୀଲ ମୋଦିଙ୍କୁ ମନ୍ତ୍ରିମଣ୍ଡଳରୁ ବାଦ୍ ଦିଆଯାଇଛି। ତାଙ୍କ ସ୍ଥାନରେ ଅନ୍ୟ ଦୁଇ ଦଳୀୟ ନେତାଙ୍କୁ ଉପମୁଖ୍ୟମନ୍ତ୍ରୀ କରିଛି ବିଜେପି।