ଭୋପାଲ୍: ବିବାଦୀୟ ମନ୍ତବ୍ୟ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ଭୋପାଳର ବିଜେପି ସାଂସଦ ସାଧ୍ୱୀ ପ୍ରଜ୍ଞା ଠାକୁର ପୁଣିଥରେ ବିବାଦୀୟ ମନ୍ତବ୍ୟ ଦେଇଛନ୍ତି। ସେ କହିଛନ୍ତି ଯେ ନବରାତ୍ରୀ ସମୟରେ ଲାଉଡ଼ ସ୍ପିକର ଏବଂ ଡିଜେ ବାଜିବ। ଏଥିରେ କୌଣସି ଗାଇଡଲାଇନ୍ ନାହିଁ। କେବଳ କ’ଣ ହିନ୍ଦୁ ମାନଙ୍କ ପାଇଁ ଏହି ଆଇନ୍ ତିଆରି ହୋଇଛି ବୋଲି ସେ ପ୍ରଶ୍ନ କରିଛନ୍ତି। ଏ ନେଇ ଗଣମାଧ୍ୟମ ପ୍ରତିନିଧି କୋର୍ଟଙ୍କ ନିୟମ ବାବଦରେ ପ୍ରଶ୍ନ କରିଥିଲେ। ଜବାବରେ ସେ ଉପରୋକ୍ତ ମତ ସେ ରଖିଥିଲେ।
ଏହା ପୂର୍ବରୁ ନିର୍ବାଚନ ବେଳେ ସାଧ୍ୱୀ ନିଜର ଏକ ପ୍ରତିକ୍ରିୟାରେ ଗଡସେକୁ ଦେଶଭକ୍ତ ବୋଲି କହିଥିଲେ। ଏହାକୁ ନେଇ ବିବାଦ ଦେଖାଦେବା ପରେ ବିଜେପି ପକ୍ଷରୁ ସାଧ୍ୱୀଙ୍କୁ କ୍ଷମା ମାଗିବାକୁ କୁହାଯାଇଥିଲା। ଶେଷରେ ସେ କ୍ଷମା ମାଗିଥିଲେ। ପ୍ରଧାନମନ୍ତ୍ରୀ ମୋଦି ମଧ୍ୟ ପ୍ରତିକ୍ରିୟାରେ କହିଥିଲେ ସେ କେବେ ସାଧ୍ୱୀ ପ୍ରଜ୍ଞାଙ୍କୁ କ୍ଷମା ଦେଇ ପାରିବେ ନାହିଁ। ବାବ୍ରି ମସଜିଦ ଭଙ୍ଗା ଯାଇଥିବାରୁ ସେ ଗର୍ବିତ ବୋଲି ଏକ ଟିଭି ଚ୍ୟାନେଲରେ ସାକ୍ଷାତକାର ବେଲେ ମନ୍ତବ୍ୟ ଦେଇଥିଲେ।