ବୋକୋ ହାରାମର ରକେଟ୍ ଗ୍ରେନେଡ୍ ମାଡରେ ୭ମୃତ,ବହୁ ଗୁରୁତର

ମାଇଦୁଗୁରି(ନାଇଜେରିଆ): ଶନିବାରଦିନ ନାଇଜେରିଆର ଆତଙ୍କବାଦୀ ସଂଗଠନ ବୋକୋହାରାମ ନିରୀହ ଗ୍ରାମବାସୀଙ୍କ ଉପରେ ରକେଟ୍ ଗ୍ରେନେଡ୍ ମାଡ କରିଛି। ଏହି ରକେଟ୍ ଗ୍ରେନେଡ୍ ମାଡ ଉତ୍ତରପୂର୍ବ ନାଇଜେରିଆର ମାଇଦିଗୁରିଠାରେ ବସବାସ କରୁଥିବା ବହୁ ଘର ଉପରେ ହୋଇଛି। ଏଥିରେ ୭ଜଣଙ୍କର ପ୍ରାଣ ହାନି ହୋଇଥିବାବେଳେ ବହୁ ଗ୍ରାମବାସୀ ଗୁରୁତର ହୋଇଛନ୍ତି। ସେମାନଙ୍କୁ ନିଟକସ୍ଥ ଡାକ୍ତରଖାନାରେ ଭର୍ତ୍ତିକରାଯାଇଛି। ବୋକୋ ହାରାମ ପକ୍ଷରୁ କରାଯାଇଥିବା ଏହି ଗ୍ରନେଡ୍ ମାଡ ଶନିବାର ବିଳମ୍ବିତ ରାତିରେ କରାଯାଇଛି। ଏକାଥକେ ଗ୍ରାମବାସୀଙ୍କ ଉପରକୁ ୪୦ରୁ ଅଧିକ ଗ୍ରେନେଡ ମାଡ ହୋଇଥବା ଭୟବିତ ଗ୍ରାମବାସୀମାନେ କହିଛନ୍ତି। ଏହି ସହରରେ ୫୦ଲକ୍ଷରୁ ଅଧିକ ନାଇଜେରିଆ ନାଗରିକ ରହୁଛନ୍ତି। ଯେଉଁ ଗ୍ରାମରେ ଗ୍ରେନେଡମାଡ ହୋଇଛି ସେହି ଗାଁରେ ୧୩ହଜାରୁ ଅଧିକ ରିଫ୍ୟୁଜି ରହୁଛନ୍ତି। ସେମାନଙ୍କୁ ଏକ ନିର୍ଦ୍ଧିଷ୍ଟ ଧର୍ମକୁ ଗ୍ରହଣ କରିବାକୁ ବାଧ୍ୟ କରାଯାଉଛି। ଯେଉଁ ଗ୍ରାମବାସୀମାନେ ଏହାକୁ ଅବମନନା କରୁଛନ୍ତି ସେମାନଙ୍କ ସର୍ବସମ୍ମୁଖରେ ଅକଥନୀୟ ଅତ୍ୟାଚାର କରାଯାଉଥିବା ଲକ୍ଷ୍ୟ କରାଯାଉଛି।