ନୂଆଦିଲ୍ଲୀ: ଆଜିଠୁ ନୂଆ ଆର୍ଥିକ ବର୍ଷ ଆରମ୍ଭ ହେଉଛି। ଆଜିଠାରୁ ଆସନ୍ତା ମାର୍ଚ୍ଚ ୩୧ ତାରିଖ ଯାଏଁ ମଧ୍ୟବିତ୍ତ ପରିବାରଙ୍କ ଖାଇବା, ପିଇବା, ପିନ୍ଧିବା ବୁଲିବା ମହଙ୍ଗା ହେବାକୁ ଯାଉଛି। କେବଳ ଏତିକି ନୁହେଁ ମନୋରଞ୍ଜନ କ୍ଷେତ୍ର ଓ କସ୍ମେଟିକ୍ ସାମଗ୍ରୀ ଉପରେ ମଧ୍ୟ ମହଙ୍ଗା ମାଡ଼ ପଡ଼ିବ।
ମଧ୍ୟବିତ୍ତ ଶ୍ରେଣୀର ଲୋକେ ଏବେ ରେସ୍ତୁରାଁ ଯିବାକୁ ଚାହିଁରେ ନିଶ୍ଚିନ୍ତ ଚିନ୍ତା କରିବେ। କାରଣ ଏଥିପାଇଁ ଅଧିକ ଖର୍ଚ୍ଚାନ୍ତ ହେବାକୁ ପଡିବ। ମଲଟିପ୍ଲେକ୍ସ କିମ୍ୱା ଘରେ ବସି ଟିଭି ଦେଖିବା, ବିମାନ ଓ ରେଳ ଯାତ୍ରା ମଧ୍ୟ ମହଙ୍ଗା ହେବ।
ଗାଡ଼ି କିଣିବା ମଧ୍ୟ ମଧ୍ୟବିତ୍ତ ବର୍ଗଙ୍କ ପାଇଁ କଷ୍ଟକର ହୋଇପଡ଼ିବ। ଛୋଟ ଗାଡି ପରେ ୧ ପ୍ରତିଶତ ଟ୍ୟାକ୍ସ ବଢ଼ାଇ ଦିଆଯାଇଛି। ଡିଜେଲ୍ ଗାଡି ପରେ ୨.୫ ପ୍ରତିଶତ ଟ୍ୟାକ୍ସ ବଢ଼ାଇ ଦିଆଯାଇଛି। ସେହିପରି ୧୦ ଲକ୍ଷରୁ ଅଧିକ କାର୍ ମୂଲ୍ୟ ମଧ୍ୟ ବଢ଼ିଛି। ଏସ୍ୟୁବି କାର୍ ଉପରେ ୪ ପ୍ରତିଶତ ଟ୍ୟାକ୍ସ ବୃଦ୍ଧି କାର୍ ସୌଖୀନ ଲୋକଙ୍କୁ ଦୁଃଖି କରିଛି।
ସୌନ୍ଦର୍ଯ୍ୟ ସାମଗ୍ରୀ ଉପରେ ମଧ୍ୟ ସରକାର ଟ୍ୟାକ୍ସ ବଢ଼ାଇଛନ୍ତି। ଏହାସହ ସୁନା ଓ ହୀରା ଅଳଙ୍କାର, ବ୍ରାଣ୍ଡେଡ୍ ପୋଷାକ ଦର ମଧ୍ୟ ବଢିବ। ମୋବାଇଲ୍ ବିଲ୍ ଉପରେ ମଧ୍ୟ ମହଙ୍ଗା ମାଡ଼ ହୋଇଛି।