ଡିଟିଏଚ ସେବା ଗାଇଡଲାଇନ ପରିବର୍ତ୍ତନ କଲେ ସରକାର

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଦେଶରେ ଡିଟିଏଚ ପ୍ରସାରଣ ସଂକ୍ରାନ୍ତ ମାର୍ଗଦର୍ଶିକା ସଂଶୋଧନ ପ୍ରସ୍ତାବକୁ ଅନୁମୋଦନ ମିଳିଛି। ଏଣିକି ଡିଟିଏଚ ପାଇଁ ଲାଇସେନ୍ସ ଅବଧି ଦଶବର୍ଷ ପରିବର୍ତ୍ତେ ୨୦ ବର୍ଷ ପାଇଁ ଜାରି ହେବ। ତେବେ ଦଶବର୍ଷ ପରେ ଲାଇସେନ୍ସ ଅବଧିର ନବୀକରଣ କରାଯାଇପାରିବ। ଲାଇସେନ୍ସ ବାବଦ ଦେୟ ଜିଆରର  ଶତକଡା ଦଶଭାଗରୁ ଏଜିଆରର ଶତକଡା ୮ ଭାଗକୁ ସଂଶୋଧନ କରାଯାଇଛି । ଜିଆର ବାବଦ ଜିଏସଟିକୁ ବାଦ ଦେଇ ଏଜିଆର ହିସାବ କରାଯିବ। ଲାଇସେନ୍ସ ଦେୟ ବର୍ତ୍ତମାନ ବର୍ଷକରେ ଆଦାୟ କରାଯାଉଥିବା ବେଳେ ଏଣିକି ଏହା ଚାରି ମାସରେ ଆଦାୟ କରାଯିବ। ଡିଟିଏଚ ଅପରେଟରମାନଙ୍କୁ ସର୍ବାଧିକ ଶତକଡା ୫ ଭାଗ ପର୍ଯ୍ୟନ୍ତ ଚ୍ୟାନେଲ ମୋଟ ଚ୍ୟାନେଲର ସାମର୍ଥ୍ୟ ଅନୁସାରେ ଅନୁମତି ପ୍ରଦାନ କରାଯିବ। ଥରକରେ ଗୋଟିଏ ପିଏସ ଚ୍ୟାନେଲ ନିମନ୍ତେ ଅଣଫେରସ୍ତଯୁକ୍ତ ଦଶ ହଜାର ଟଙ୍କା ଡିଟିଏଚ ଅପରେଟରଙ୍କୁ ଦେବାକୁ ପଡିବ।

https://twitter.com/DG_PIB/status/1341695655463460864?s=20

ଡିଟିଏଚ ଅପରେଟରମାନେ ଟିଭି ଚ୍ୟାନେଲର ଟ୍ରାନ୍ସପୋର୍ଟ ଷ୍ଟ୍ରିମ ଓ ଡିଟିଏଚ ପ୍ଲାଟଫର୍ମ ସେୟାର କରିବାକୁ ଚାହୁଁ ନଥିଲେ ତାକୁ ଅନୁମତି ପ୍ରଦାନ କରାଯିବ । ଟିଭି ଚ୍ୟାନେଲ ବିତରକମାନେ ସବ୍ସକ୍ରାଇବରମାନେ ମ୍ୟାନେଜମେଣ୍ଟ ସିଷ୍ଟମ (ଏସଏମଏସ) ଓ ସିଏଏସ ପାଇଁ କମନ ହାର୍ଡୱେର ସେୟାର କରିବାକୁ ଚାହୁଁଥିଲେ ତାକୁ ଅନୁମତି ମିଳିବ।

ଶତକଡା ୪୯ ଭାଗ ବିଦେଶୀ ପୁଞ୍ଜି ନିବେଶ ପାଇଁ ଡିଟିଏଚ ମାର୍ଗଦର୍ଶିକା ସରକାରଙ୍କ ଡିପିଆଇଆଇଟି ନୀତି ସହ ଯୋଡା ହୋଇ ଏଫଡିଆଇ ନୀତିରେ ସମୟକ୍ରମେ ସଂଶୋଧନ କରାହେବ। ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ଵାରା ଜାରି ହେଉଥିବା ଡିଟିଏଚ ମାର୍ଗଦର୍ଶିକା ସହ ଏହି ନିଷ୍ପତ୍ତି କାର୍ଯ୍ୟକାରୀ ହେବ।

ଏହି ପ୍ରସ୍ତାବ ଟେଲିକମ କ୍ଷେତ୍ରରେ ଲାଗୁ ହେଉଥିବା ଲାଇସେନ୍ସ ମୁକ୍ତ ନୀତି ସହ ଲାଗୁହେବ । ଯେଉଁ ଅର୍ଥର ପାର୍ଥକ୍ୟ ହେବ ତାହାକୁ ଡିଟିଏଚ ଅପରେଟରମାନେ ଅଧିକ ପ୍ରସାରଣ ଦିଗରେ ବ୍ୟୟ କରିବେ । ପ୍ଲାଟଫର୍ମ ସେବା ନିମନ୍ତେ ପଞ୍ଜୀକୃତ ଦେୟ ହାରାହାରି ୧୨ ଲକ୍ଷ ହେବ । ଡିଟିଏଚ ଅପରେଟରମାନେ ଭିତ୍ତିଭୂମି ସେୟାର କରିବା ଯୋଗୁଁ ଅପରେଟରମାନେ ମାମୁଲି ଉପଗ୍ରହ ଗଠନ ଦେୟ ପଇଠ କରୁଥିବାରୁ ଉପଭୋକ୍ତାମାନଙ୍କ ଖର୍ଚ୍ଚ ମଧ୍ୟ ହ୍ରାସ ପାଇବ । ପ୍ରଚଳିତ ଏଫଡିଆଇ ନୀତି ଯୋଗୁଁ ଦେଶରେ ଅଧିକ ବିଦେଶୀ ପୁଞ୍ଜି ନିବେଶ ସୁଯୋଗ ମଧ୍ୟ ସୃଷ୍ଟି ହେବ ।

ଡିଟିଏଚ ସାରା ଦେଶରେ କାର୍ଯ୍ୟ କରୁଛି । ଏହି କ୍ଷେତ୍ର ବେଶ ନିଯୁକ୍ତି ସୃଷ୍ଟିକାରୀ କ୍ଷେତ୍ର । ଏହା ପ୍ରତ୍ୟକ୍ଷ ଭାବେ ଡିଟିଏଚ ଅପରେଟର ଓ କଲ ସେଣ୍ଟର ବ୍ୟକ୍ତିମାନଙ୍କୁ ନିଯୁକ୍ତି ଦେଉଥିବା ବେଳେ, ତୃଣମୂଳ ସ୍ତରରେ ବେଶୀ ସଂଖ୍ୟାରେ ସ୍ଥାପନକାରୀ ମଧ୍ୟ ପରୋକ୍ଷ ନିଯୁକ୍ତି ପାଇଥାନ୍ତି । ଡିଟିଏଚ ସଂଶୋଧିତ ମାର୍ଗଦର୍ଶିକାରେ ଥିବା ଦୀର୍ଘ ମିଆଦି ଲାଇସେନ୍ସ ଅବଧି, ନବିକରଣୀୟ ସ୍ଵଚ୍ଛତା, ଏଫଡିଆଇ ସୀମା ରିହାତି ଇତ୍ୟାଦି ଡିଟିଏଚ କ୍ଷେତ୍ରରେ ଅଧିକ ପୁଞ୍ଜି ନିବେଶକୁ ପ୍ରୋତ୍ସାହିତ କରିବ।