ୱାଶିଂଟନ୍: ଆମେରିକାର ଉତ୍ତର କାଲିଫର୍ଣ୍ଣିଆରେ ଗୁଳିମାଡ଼ ହୋଇଛି। ଜଣେ ଦୁର୍ବୃତ୍ତ ଆଖିବୁଜା ଗୁଳି ଚଳଣା କରିବାରୁ ୫ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ଅନ୍ୟ କିଛି ଲୋକ ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ଚିକିତ୍ସାଳୟରେ ଭର୍ତ୍ତି କରାଯାଇଛି।
ଉତ୍ତର କାଲିଫର୍ଣ୍ଣିଆର ଗ୍ରାମୀଣ ଅଞ୍ଚଳର ଏକ ପ୍ରାଥମିକ ସ୍କୁଲ ଏବଂ ଏହାର ଆଖପାଖ ଅଞ୍ଚଳରେ ଦୁର୍ବୃତ୍ତ ଜଣଙ୍କ ଗୁଳିମାଡ଼ କରିଥିଲେ। ଖବର ପାଇ ସୁରକ୍ଷା କର୍ମ ଘଟଣା ସ୍ଥଳରେ ପହଞ୍ଚି ପଲଟା ଆକ୍ରମଣ କରି ଦର୍ବୃତ୍ତଙ୍କୁ ମାରି ଦେଇଛନ୍ତି।
ଅଭିଯୁକ୍ତ ଜଣକ ସ୍ଥାନୀୟ ବାସିନ୍ଦା ବୋଲି ଜଣାପଡ଼ିଛି। ପଡ଼ୋଶୀଙ୍କ ସହ ବିବାଦ ଯୋଗୁଁ ସେ ଏପରି କାଣ୍ଡ ଭିଆଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଘଟଣାରେ ଅନ୍ୟ କିଛି ଲୋକ ସଂପୃକ୍ତି ଥିବା ଅନୁମାନ କରି ପୋଲିସ୍ ଘଟଣାର ତଦନ୍ତ ଜାରି ରଖିଛି।