ସିଡ୍ନୀ: ଅଷ୍ଟ୍ରେଲିଆର ସିଡ୍ନୀ ସହରରେ ମଙ୍ଗଳବାର ଏକ ଅଭାବନୀୟ ଘଟଣା ଘଟିଛି। ଏକ କାର୍ ଭାରସାମ୍ୟ ହରାଇ ସହରରେ ଏକ ଜନଗହଳିପୂର୍ଣ୍ଣ ସ୍ଥାନରେ ଥିବା ସ୍କୁଲ ପ୍ରାଚୀର ଭାଙ୍ଗି ପ୍ରବେଶ କରିଥିଲା। ଫଳରେ ଏହି ଦୁର୍ଘଟଣା ଯୋଗୁ ୨ ଶିଶୁଙ୍କ ପ୍ରାଣହାନୀ ଘଟିଛି । ୩ ଜଣ ଗୁରୁତର ଆହତ ହୋଇଛନ୍ତି । ଦୁର୍ଘଟଣା ଘଟାଇଥିବା କାର୍ଟିକୁ ଜଣେ ୫୨ ବର୍ଷିୟା ଜଣେ ମହିଳା ଚଳାଉଥିଲେ ବୋଲି ଜଣାପଡିଛି ।
ବ୍ୟାକ୍ସିଆ ରୋଡ୍ ପବ୍ଲିକ୍ ସ୍କୁଲରେ ଏହି ଅଘଟଣ ଘଟିଛି । କାର୍ ହଠାତ୍ ମାଡି ଆସିବାରୁ ଗାଡି ଚାପାରେ ୨ ଜଣ ଛତ୍ରୀ ପ୍ରାଣ ହରାଇଥିଲେ। ଦୁର୍ଘଟଣା ସମୟରେ ଶ୍ରେଣୀଗୃହରେ ୨୪ ଛାତ୍ରୀଛାତ୍ରଙ୍କ ସହ ଜଣେ ଶିକ୍ଷୟିତ୍ରୀ ରହିଥିଲେ। କାର୍ ଚଳାଉଥିବା ମହିଳା ନିଶାଗ୍ରସ୍ତ ଥିଲେ ବୋଲି କୁହାଯାଉଛି।