ବେଜିଂ: ଦକ୍ଷିଣ ଚୀନର ଝେଜିଆଙ୍ଗ୍ ପ୍ରଦେଶରେ ୱେନଲିଙ୍ଗ୍ ସ୍ଥିତ ଜୋତା କାରଖାନା ଭୁଶୁଡି ପଡିବା ଯୋଗୁ ୯ ଜଣଙ୍କ ଶ୍ରମିକଙ୍କ ମୃତ୍ୟୁ ଘଟିଛି। ଆହୁରି ୪୦ ରୁ ଅଧିକ ଶ୍ରମିକ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ଦୁର୍ଘଟଣା ଘଟିବା ବେଳେ କାରାଖାନା ଭିତରେ ମୋଟ ୫୧ ଜଣ ଶ୍ରମିକ କାମ କରୁଥିଲେ। ୯ଜଣଙ୍କ ମୃତ୍ୟୁ ହୋଇଥିଲାବେଳେ ୪୨ ଜଣ ଆହତ ହୋଇଛନ୍ତି। ଏହି ଘଟଣାର ତଦନ୍ତ କରାଯାଉଛି।
ଚୀନରେ କାରଖାନାରେ ଦୁର୍ଘଟଣା କିଛି ନୂଆ କଥା ନୁହେଁ। ଗତ ଏପ୍ରିଲ ମାସରେ ଏକ କେମିକାଲ ଫ୍ୟାକ୍ଟ୍ରିରେ ନିଆଁ ଲାଗିଯାଇଥିଲା। ତେବେ ଏଥିରେ ହତାହତ ହୋଇନଥିଲେ। ସମସ୍ତଙ୍କୁ ସୁରକ୍ଷିତ ବାହାର କରାଯାଇଥିଲା। ସେହିଭଳି ଗତ ନଭେମ୍ୱର ମାସରେ ଏକ କୋଇଲା ଖଣିରେ ନିଆଁ ଲାଗିଯିବାରୁ ୨୬ ଜଣଙ୍କର ମୃତ୍ୟୁ ଘଟିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
