ନୂଆଦିଲ୍ଲୀ: ଭାରତ ସରକାର ୫୯ଟି ଚାଇନିଜ ଆପ୍ ବ୍ୟାନ୍ କରିବାରୁ ଚାଇନା ପ୍ରତିକ୍ରିୟାଶୀଳ ହୋଇ ଉଠିଛି। ଭାରତର ଏହି ପଦକ୍ଷେପକୁ ଚାଇନା ତୀବ୍ର ବିରୋଧ କରିଛି। ଚାଇନା କହିଛି ଯେ ଭାରତର ଏହି ଅପ୍ରାକୃତିକ ବ୍ୟାନ୍ ଦୁଇ ଦେଶର ସମ୍ପର୍କରେ ତିକ୍ତତା ସୃଷ୍ଟି କରିବ। ଏଥିସହ ଏହା ଭାରତର ସ୍ୱାର୍ଥକୁ କ୍ଷତି ପହଞ୍ଚାଇବ।
ଦୁଇ ଦେଶ ପରସ୍ପର ବୁଝାମଣା ଭିତ୍ତିରେ ସୀମାନ୍ତରେ ଶାନ୍ତି ପ୍ରତିଷ୍ଠା କରିବା ଦରକାର। ବେଜିଂ ଭାରତରେ ତା’ର ବ୍ୟବସାୟିକ ଅଧିକାରକୁ ପୁନଃ କାର୍ଯ୍ୟକାରୀ କରିବାକୁ ସବୁ ପ୍ରକାରର ପଦକ୍ଷେପ ଗ୍ରହଣ କରିବ। ଖାଲି ସେତିକି ନୁହେଁ, ଚାଇନିଜ ଆପ୍ ବ୍ୟାନ୍ କରି ଭାରତ ସରକାର WTO ନିୟମକୁ ଉଲ୍ଲଙ୍ଘନ କରିଛି ବୋଲି ଚାଇନାର ବୈଦେଶିକ ମନ୍ତ୍ରଣାଳୟ ମୁଖପାତ୍ର କହିଛନ୍ତି।
ସୋମବାର ଭାରତ ସରକର ଟିକଟକ ସହ ୫୯ଟି ଚାଇନିଜ ଆପକୁ ବ୍ୟାନ୍ କରିଥିଲେ। ଏହାଦ୍ୱାରା ଚାଇନା କୋଟି କୋଟି ଟଙ୍କାର ବ୍ୟବସାୟିକ କ୍ଷତି ସହିଥିବା କୁହାଯାଉଛି।