କନଷ୍ଟେବଳଙ୍କୁ ଚାପୁଡ଼ା ମାରିଲେ ବିଧାୟିକା: ଜବାବରେ କ’ଣ କଲେ କନଷ୍ଟେବଳ, ଦେଖନ୍ତୁ ଭିଡିଓ

<p>ଶିମଲା: ଦିନକୁ ଦିନ ଭାରତରେ ନେତାଙ୍କ ଦବଙ୍ଗଗିରି ବଢ଼ିଚାଲିଛି। ଚର୍ଚ୍ଚାରେ ରହିବା ପାଇଁ ହେଉ ବା ରାଗ ସମ୍ଭାଳି ନପାରି ରାଜନେତାମାନେ ଏପରି ଦବଙ୍ଗଗିରି ଦେଉଛନ୍ତି। ଏହାର ଏକାଧିକ ଉଦାହରଣ ପୂର୍ବରୁ ଦେଖିବାକୁ ମିଳିଛି। ପାୱାରରେ ଥିବା ଏହି ନେତାମାନଙ୍କୁ କେହି କିଛି କହିପାରି ନଥାନ୍ତି। ହେଲେ ହିମାଚଳ ପ୍ରଦେଶରେ ଏମିତି ଏକ ଘଟଣା ଘଟିଛି, ଯାହା ଶୁଣିଲେ ଆପଣ ବି କହିବେ ସାବାସ୍&zwnj; କନଷ୍ଟେବଳ। ଏହି କନଷ୍ଟେବଳ ଜଣଙ୍କ ଚାପୁଡ଼ାର ଜବାବ ଚାପୁଡ଼ାରେ ଦେଇଛନ୍ତି।&nbsp; ହିମାଚଳର ଜଣେ ବନ ନିର୍ବାଚିତ କଂଗ୍ରେସ ବିଧାୟିକାଙ୍କୁ ପଲଟା ଚାପୁଡ଼ା ମାରି କନଷ୍ଟେବଳ ଜଣଙ୍କ ସୂଚେଇ ଦେଇଛନ୍ତି, ନେତାଙ୍କ ଦବଙ୍ଗଗିରିକୁ ବରଦାସ୍ତ କରାଯିବ ନାହିଁ।</p> <p>ଘଟଣାଟି ଏମିତି। କଂଗ୍ରେସ ବିଧାୟିକା ଆଶା କୁମାରୀ ସୁରକ୍ଷା ଦାୟିତ୍ୱରେ ଥିବା ଜଣେ କନ୍&zwnj;ଷ୍ଟେବଳଙ୍କୁ ଚାପୁଡ଼ା ମାରିଥିଲେ। ଚାପୁଡ଼ାର ଜବାବ ଦେବାକୁ ଯାଇ କନଷ୍ଟେବଳ ଜଣଙ୍କ ମଧ୍ୟ ବିଧାୟିକାଙ୍କୁ ଚାପୁଡ଼ା ମାରିଦେଇଥିଲେ।</p> <p>ସୂଚନାଯୋଗ୍ୟ, ହିମାଚଳ ପ୍ରଦେଶରେ ହୋଇଥିବା ବିଧାନସଭା ନିର୍ବାଚନରେ କଂଗ୍ରେସ ଗାଦିଚ୍ୟୁତ ହୋଇଥିବା ବେଳେ ବିଜେପି ପୁଣି କ୍ଷମତାକୁ ଫେରିଛି। ଦଳ ପରାଜୟର କାରଣ ଖୋଜିବା ପାଇଁ ସିମଲା ରାଜୀବ ଭବନରେ ଆୟୋଜିତ ବୈଠକରେ ଯୋଗଦେବାକୁ ରାହୁଲ ଗାନ୍ଧି ଏକଦିବସୀୟ ହିମାଚଳ ଗସ୍ତରେ ଯାଇଛନ୍ତି। ବୈଠକରେ ନବ ନିର୍ବାଚନ ବିଧାୟକ ଓ କର୍ମକର୍ତ୍ତାମାନେ ମଧ୍ୟ ଯୋଗଦେଇଥିଲେ। ବିଧାୟକମାନେ ଆସୁଥିବା ବେଳେ କନ୍&zwnj;ଷ୍ଟେବଳ ଆଶାଙ୍କୁ ଅଟକାଇ ଥିଲେ। ଏଥିରେ ଉତ୍&zwnj;କ୍ଷିପ୍ତ ହୋଇ ଆଶା କନ୍&zwnj;ଷ୍ଟେବଳଙ୍କୁ ଏକ ଚାପୁଡ଼ା ମାରିଥିଲେ। ଯାହାର ପ୍ରତିଉତ୍ତର କନଷ୍ଟେବଳ ଜଣଙ୍କ ସଙ୍ଗେ ସଙ୍ଗେ ଦେଇ ଦେଇଥିଲେ। ଏବେ ଏହି ଘଟଣା ଦେଶରେ ଆଲୋଚ୍ୟ ବିଷୟ ପାଲଟିଛି।</p>