ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ନିଜ ସଂସଦୀୟ କ୍ଷେତ୍ର କେରଳର ୱାଇନାଡକୁ ଯିବେ। ଚଳିତ ମାସ ୭ ଓ ୮ ତାରିଖରେ ରାହୁଲ ଗାନ୍ଧି ୱାଇନାଡ ଯିବେ ବୋଲି ରାହୁଲଙ୍କ ୱାଇନାଡ କାର୍ଯ୍ୟାଳୟ ସୂଚନା ଦେଇଛି।
ଏହି ଦୁଇ ଦିନିଆ ଗସ୍ତ ବେଳେ ରାହୁଲ ନିଜ ସଂସଦୀୟ କ୍ଷେତ୍ରରେ ଥିବା ସମସ୍ତ ବିଧାନସଭା ନିର୍ବାଚନ ମଣ୍ଡଳୀ ଯାଇ ଭୋଟରଙ୍କୁ ଧନ୍ୟବାଦ ଜଣାଇବେ ବୋଲି ସୂଚନା ରହିଛି। ରାହୁଲ ଚଳିତଥର ୟୁପିର ଆମେଠି ଲୋକସଭା ଆସନ ସହିତ କେରଳର ଓ୍ୱାଇନାଡରୁ ନିର୍ବାଚନ ଲଢ଼ିଥିଲେ। ଆମେଠିରୁ ରାହୁଲ ଗାନ୍ଧି ବିଜେପି ପ୍ରାର୍ଥୀ ସ୍ମତି ଇରାନୀଙ୍କ ପାଖରୁ ହାରିଥିବା ବେଳେ ଓ୍ୱାଇନାଡରେ ରେକର୍ଡ ସଂଖ୍ୟକ ୪ ଲକ୍ଷ ୩୧ ହଜାର ୭୭୦ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି।