ନୂଆଦିଲ୍ଲୀ: ୧୯୯୩ ମୁମ୍ବାଇ ବିସ୍ଫୋରଣ ମାମଲାର ମୁଖ୍ୟ ଅଭିଯୁକ୍ତ ତଥା ଅଣ୍ଡରୱାର୍ଲ୍ଡ ଡନ୍ ଦାଉଦ୍ ଇବ୍ରାହିମକୁ ଭାରତ ଆଣିବା ପ୍ରସଙ୍ଗରେ ହସ୍ତକ୍ଷେପ କରିବାକୁ ବୁଧବାର ମନା କରି ଦେଇଛନ୍ତି ସୁପ୍ରିମକୋର୍ଟ। ମୁଖ୍ୟ ବିଚାରପତି ଏଚ୍.ଏଲ୍ ଦତ୍ତୁଙ୍କ ଅଧ୍ୟକ୍ଷତାରେ ଗଠିତ ଏକ ବେଞ୍ଚ୍ ଏହି ରାୟ ଦେଇ କହିଥିଲେ ଯେ କୋର୍ଟ ଏହି ପ୍ରସଙ୍ଗରେ ହସ୍ତକ୍ଷେପ କରିବାକୁ ଚାହୁଁନାହାନ୍ତି। ଆଉ ଏହା ସହିତ ଦାଖଲ ପିଟିସନଟିକୁ ଖାରଜ କରି ଦିଆଯାଉଛି। ଏ ନେଇ ହୋଇଥିବା ଏକ ଆବେଦନ ଉପରେ ବିଚାର କରି ସର୍ବୋଚ୍ଚ ନ୍ୟାୟାଳୟ ଏହି ରାୟ ଦେଇଛନ୍ତି। ମଧ୍ୟପ୍ରଦେଶର ଜଣେ ପୂର୍ବତନ ବିଧାୟକ ଏହି ଆବେଦନ କରିଥିଲେ। ସେ ଅନୁରୋଓ କରିଥିଲେ ଯେ ପାରତୀୟ ଅଧିକାରୀମାନେ କାହିଁକି ଦାଉଦ ଇବ୍ରାହିମକୁ ପ୍ରତ୍ୟାର୍ପଣ କରିବା ପାଇଁ ଅନିଚ୍ଛୁକ ତା’ର ତଦନ୍ତ କରାଯାଉ। ଏନେଇ ସୁପ୍ରିମକୋର୍ଟ ତାଙ୍କ ଅଧୀନରେ ଏକ ସ୍ୱତନ୍ତ୍ର ତଦନ୍ତକାରୀ ଟିମ୍ (ଏସ୍ଆଇଟି) ଗଠନ କରନ୍ତୁ ବୋଲି ସେ ଅନୁରୋଧ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।