ମୁମ୍ୱାଇ: ଡ୍ରଗ୍ସ ଲିଙ୍କ ମାମଲାରେ ଆଉ ଜଣେ ଗିରଫ ହୋଇଛନ୍ତି। ଦିପେଶ ସାଓ୍ୱନ୍ତ ଏନସିବି ଦ୍ୱାରା ଏହି ମାମଲାରେ ଗିରଫ ହୋଇଛି। ଗତକାଲି ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କ ଭାଇ ସୌଭିକ ଚକ୍ରବର୍ତ୍ତୀ ଏବଂ ସୁଶାନ୍ତଙ୍କ ମ୍ୟାନେଜର ସାମୁଏଲ ମିରାଣ୍ଡା ଏନସିପି ଦ୍ୱାରା ଗିରଫ ହୋଇଥିଲେ।
ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ଡ୍ରଗ୍ସ ଲିଙ୍କ୍ ସାମ୍ନାକୁ ଆସିଥିଲା। ଏହି ଲିଙ୍କରେ ସୌଭିକ, ରିଆ, ଦୀପେଶ, ସାମୁଏଲ ଏବଂ ଅନ୍ୟ ଦୁଇ ଜଣଙ୍କ ନାମ ସାମ୍ନାକୁ ଆସିଛି। ଏକ ହ୍ୱାଟସ ଆପ୍ ଚାଟରେ ଦୀପେଶ ରିଆ ଏବଂ ସୌଭିକ ସହିତ ମିଶି ଡ୍ରଗ୍ସ କାରବାର କରୁଥିବାର ପ୍ରମାଣ ମିଳିଛି। ଦୀପେଶ ହେଉଛି ସୁଶାନ୍ତ ସିଂ ରାଜପୁତଙ୍କ ଚାକର। ସୁଶାନ୍ତଙ୍କ ମୃତ୍ୟୁ ମାମଲାରେ ସିବିଆଇ ଜେରାର ସମ୍ମୁଖୀନ ହୋଇସାରିଛି ଦୀପେଶ।
ଏବେ ରିଆଙ୍କୁ ଏନସିବି ସମନ କରିବ ବୋଲି ଜଣାପଡ଼ିଛି। ରିଆ ଡ୍ରଗ୍ସ କାରବାରରେ ସାମିଲ ଥିବା ଜଣାପଡ଼ିଛି ତେଣୁ ସେ ଗିରଫ ହେବାର ସମ୍ଭାବନା ଅଧିକ ବୋଲି ମଧ୍ୟ କହାଯାଉଛି।