ନ୍ୟୁୟର୍କ: ମହାମାରୀ କରୋନା ଭାଇରସକୁ ମାତ ଦେବାକୁ ଭାରତୀୟ ବଂଶୋଦ୍ଭବ ଆମେରିକୀୟ ବୈଜ୍ଞାନିକ ଗବେଷଣା କରି ୪ଟି ମେଡିସନ ଫଳପ୍ରଦ ବୋଲି କହିଛନ୍ତି। ମିସଉରି ବିଶ୍ୱବିଦ୍ୟାଳୟର ବୈଜ୍ଞାନିକମାନେ କରୋନା ଉପରେ ଫଳପ୍ରଦ ହେଉଥିବା ୪ ଆଣ୍ଟି ଭାଇରାଲ ଔଷଧ ମଧ୍ୟରେ ରେମଡେସିଭିର ମଧ୍ୟ ରହିଛି।
ଏହି ରେମଡେସିଭିର ଇବୋଲା ଭାଇରସ ଉପରେ ଫଳପ୍ରଦ ହୋଇଥିଲା। କଲେଜ ଅଫ ଭେଟରିନାରୀ ମେଡିସିନର ଆସୋସିଏଟ ପ୍ରଫେସର କମଲେନ୍ଦର ସିଂହ ଓ ତାଙ୍କ ଟିମ କରୋନା ଉପରେ ଗବେଷଣା କରିଥିଲେ। ଏହି ସମୟରେ ସେମାନେ ବିଭିନ୍ନ ପ୍ରକାରର ଔଷଧକୁ ପରୀକ୍ଷା କରିଥିଲେ।
ଶେଷରେ କରୋନା ଭାଇରସକୁ ମାତ ଦେବାକୁ ରେମଡେସିଭିର, 5-fluorouracil, ribavirin and favipiravir ସକ୍ଷମ ବୋଲି ସେମାନେ ଜାଣିବାକୁ ପାଇଛନ୍ତି। ଗବେଷଣାରୁ ଜଣାପଡ଼ିଛି ଯେ ଏହି ୪ ଔଷଧ ଦ୍ୱାରା କରୋନା ଭାଇରସକୁ ଶରୀରରେ ବିଭିନ୍ନ ଅଙ୍ଗରେ ପହଞ୍ଚିବା ପୂର୍ବରୁ ରୋକାଯାଇପାରିବ।
ହଜାର ହଜାର ଲୋକ ଏହି ଭାଇରସରେ ପ୍ରାଣ ହରାଉଥିବାରୁ ଆମେ ଗବେଷଣା କରି ଏହି ୪ ସମ୍ଭାବ୍ୟ ମେଡିସିନ ଫଳପ୍ରଦ ହେବ ବୋଲି ଜାଣିବାକୁ ପାଇଥିବା ଶ୍ରୀ ସିଂହ କହିଛନ୍ତି। ଆମର ଲକ୍ଷ୍ୟ ହେଲା ଡାକ୍ତରମାନଙ୍କୁ କୋଭିଡ-୧୯ ଚିକିତ୍ସାରେ ସହଯୋଗ କରିବା।
ଭାଇରସରେ ଆକ୍ରାନ୍ତ ହେଉଥିବା ଲୋକଙ୍କୁ ରକ୍ଷା କରିବା ପାଇଁ ଆମେ ସବୁ ପ୍ରକାରର ଉଦ୍ୟମ କରିବା ଦରକାର। ସମସ୍ତ ଅନ୍ୟାନ୍ୟ ଭାଇରସ ଭଳି କୋଭିଡ-୧୯ ବି ମଣିଷ ଶରୀରରେ ପ୍ରବେଶ କରି ରୋଗ ପ୍ରତିରୋଧକ ଶକ୍ତିକୁ ହ୍ରାସ କରିଦିଏ। ତେଣୁ ଆଣ୍ଟି ଭାଇରାଲ ଡ୍ରଗ୍ସ ଦ୍ୱାରା ଏହାକୁ କିଛି ପରିମାଣର ରୋକା ଯାଇପାରିବ ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
