୧୦ ଜାମିଆ ଛାତ୍ରୀ ହସ୍ପିଟାଲରେ ଭର୍ତ୍ତି, ଗୁପ୍ତାଙ୍ଗରେ ଲାଠି ମାଡ଼ ବାଜିଥିବା ଅଭିଯୋଗ

ନୂଆଦିଲ୍ଲୀ: ସିଏଏ ବିରୋଧୀ ଆନ୍ଦୋଳନରେ ଭାଗ ନେଇଥିବା ଜାମିଆ ମିଲିଆ ବିଶ୍ୱବିଦ୍ୟାଳୟର ୧୦ରୁ ଊର୍ଦ୍ଧ୍ୱ ଛାତ୍ରୀ ଆହତ ହୋଇ ଜାମିଆ ହେଲଥ ସେଣ୍ଟରରେ ଭର୍ତ୍ତି ହୋଇଛନ୍ତି। ସେମାନଙ୍କ ଗୁପ୍ତାଙ୍ଗରେ ଆଘାତ ଲାଗିଛି ଏବଂ ଏହା ଲାଠିମାଡ଼ କାରଣରୁ ହୋଇଥିବା କୁହାଯାଉଛି।


ହେଲଥ ସେଣ୍ଟରରେ ଡାକ୍ତର କହିବା ଅନୁଯାୟୀ, ଏହି ଆଘାତ ଏତେ ଗୁରୁତର ଥିଲା ଯେ ସେମାନଙ୍କୁ ଅଲ୍‌ ଶିଫା ହସ୍ପିଟାଲ ପଠାଇ ଦିଆଯାଇଛି। ଡାକ୍ତର କହିଛନ୍ତି, ଛାତିରେ ଲାଠିମାଡ଼ ବାଜିଥିବାରୁ କିଛି ଛାତ୍ରୀଙ୍କର ‘ଇଣ୍ଟରନାଲ ଇଞ୍ଜୁରୀ’ ମଧ୍ୟ ହୋଇଛି।


ଜାତୀୟ ଗଣମାଧ୍ୟମ ଇଣ୍ଡିଆ ଟୁଡେକୁ ଜଣେ ଆହତ ଛାତ୍ରୀ କହିଛନ୍ତି, “ପୁଲିସ୍‌ ଜୋତାରେ ମୋ ଗୁପ୍ତାଙ୍ଗରେ ମାଡ଼ ମରିଛି। ଜଣେ ମହିଳା ପୁଲିସ୍‌ ମୋ ବୁର୍ଖା କାଢ଼ି ଲାଠିରେ ମୋ ଗୁପ୍ତାଙ୍ଗକୁ ମାଡ଼ ମାରିଥିଲେ।” ତେବେ ଅଲ ଶିଫା ହସ୍ପିଟାଲ ପକ୍ଷରୁ କୁହାଯାଇଛି, ପ୍ରାୟ ୯ ଜଣ ଆସିଛନ୍ତି। ସେମାନଙ୍କ ମଧ୍ୟରୁ ୮ ଜଣ ଛାତ୍ରୀ ଏବଂ ଜଣେ ସ୍ଥାନୀୟ ମହିଳା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।