ଭୁବନେଶ୍ୱର (ଓଡ଼ିଶା ରିପୋର୍ଟର): ବହୁ ଚର୍ଚ୍ଚିତ ଗୌରୀ ଲଙ୍କେଶ ହତ୍ୟା ମାମଲାରେ ଆଉ ପାଦେ ଆଗକୁ ବଢ଼ିଛି ତଦନ୍ତକାରୀ ସଂସ୍ଥା। ହତ୍ୟାକାଣ୍ଡର ମାସକ ପରେ ଅପରାଧୀଙ୍କୁ ଚିହ୍ନଟ କରିଛି ତଦନ୍ତକାରୀ ସଂସ୍ଥା। ଏସ୍ଆଇଟି ଜାଣିପାରିଛି ମୁଖ୍ୟ ଅଭିଯୁକ୍ତର ପରିଚୟ। ଏହାସହ ମୁଖ୍ୟ ଅଭିଯୁକ୍ତଙ୍କୁ ସହଯୋଗ କରିଥିବା ଅନ୍ୟ ଦୁଇ ଜଣଙ୍କୁ ଚିହ୍ନଟ କରିସାରିଛି। ଏସ୍ଆଇଟି ତିନି ଜଣ ଅପରାଧିଙ୍କ ସ୍କେଚ୍ ଜାରି କରି ଏପରି କିଛି ତଥ୍ୟ ଆଜି ସମ୍ନାକୁ ଆଣିଛି।
ସିସିଟିଭି ଫୁଟେଜ ଏବଂ ପ୍ରତକ୍ଷ୍ୟଦର୍ଶୀଙ୍କ ମାନଙ୍କ ବୟାନ ପରେ ଏସଆଇଟି ପକ୍ଷରୁ ଏହି ସ୍କେଚ ଜାରି କରାଯାଇଛି। ଏଥିପାଇଁ ଆମେରିକାର ଏକ ଫାର୍ମର ସହାୟତା ନିଆଯାଇଥିଲା। ଯାଂଚ ବେଳେ ୨୫୦ଜଣଙ୍କୁ ଏସଆଇଟି ପକ୍ଷରୁ ମାରାଥନ ପଚରାଉଚରା କରାଯାଇଥିଲା। ସେମାନଙ୍କ ଠାରୁ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ହସ୍ତଗତ ହୋଇଛି। ହତ୍ୟାକାରୀଙ୍କ ସମ୍ପର୍କରେ ସୂଚନା ଦେବା ପାଇଁ ଏସଆଇଟି ପକ୍ଷରୁ ଜନସାଧାରଣଙ୍କୁ ଅନୁରୋଧ କରାଯାଇଛି।