ତୁତିକୋରିନ୍: ବୋର୍ୱେଲ୍ ଭିତରେ ପଡ଼ିଯାଇଥିବା ଶିଶୁ ସୁଜିତ୍ ବର୍ତ୍ତମାନ ଦେଶରେ ଚର୍ଚ୍ଚାରେ ଥିବାବେଳେ ଏହି ଖବର ଦେଖାରେ ମଜିଯାଇଥିବା ଏକ ପରିବାର ନିଜ ପିଲାଙ୍କୁ ହରାଇଥିବା ଖବର ମିଳିଛି। ଛୁଆଟିର ବାପା ମା’ ଟିଭି ଦେଖୁଥିବା ସମୟରେ ଛୁଆଟି ଏକ ଟବ୍ରେ ବୁଡ଼ି ପ୍ରାଣ ହରାଇଛି।
ଗତ ରାତିରେ ଏହି ଘଟଣା ଘଟିଛି। ରେବତୀ ସଞ୍ଜନା ନାମକ ଏହି ଶିଶୁ ଗତ ରାତିରେ ଟବ୍ରେ ଖେଳୁଥିଲା। ସେତେବେଳେ ତା’ ଉପରେ ଧ୍ୟାନ ନ ଦେଇ ତା’ର ବାପା ମା ଟିଭି ଦେଖୁଥିଲେ। କାରଣ ଟିଭିରେ ସେତେବଳେ ତମାମ ଉଦ୍ଧାରର ଖବର ପ୍ରକାଶ ପାଉଥିଲା।
ତେବେ ହଠାତ୍ ରେବତୀ କଥା ମନେପଡ଼ିବାରୁ ସେମାନେ ତାକୁ ପାଖରେ ପାଇ ନଥିଲେ। ଏହାପରେ ଖୋଜାଖୋଜି ଆରମ୍ଭ କରିଥିଲେ। ଶେଷରେ ଛୁଆଟି ପ୍ରାଣାଶୂନ୍ୟ ଭାବେ ଟବ୍ରେ ପଡ଼ିରହିଥିବା ଦେଖିବାକୁ ପାଇଥିଲେ।