ନୂଆଦିଲ୍ଲୀ: କୃଷି ଆଇନକୁ ବିରୋଧ କରି ଦିଲ୍ଲୀ ସୀମାରେ ଶୀତ କାକରରେ ପଡ଼ି ରହିଛନ୍ତି ଚାଷୀ। ଗତକାଲି ସରକାରଙ୍କ ସହିତ ଚାଷୀ କଥାବାର୍ତ୍ତା କରିବା ପାଇଁ ରାଜି ବୋଲି ସ୍ୱରାଜ ଇଣ୍ଡିଆ ମୁଖ୍ୟ ଯୋଗେନ୍ଦ୍ର ଯାଦବ କହିଥିଲେ। ଏହାପରେ କେନ୍ଦ୍ର ସରକାର ଆଲୋଚନା ପାଇଁ ଚାଷୀଙ୍କୁ ଚିଠି ଲେଖିଛନ୍ତି।
ଯେଉଁଥିରେ କୁହାଯାଇଛି ସରକାର କୃଷି ଆଇନ ନେଇ ଆନ୍ଦୋଳନରତ ଚାଷୀଙ୍କ ସହିତ ଆଲୋଚନା କରିବା ପାଇଁ ରାଜି। ସମସ୍ତ ତର୍କକୁ ଖୋଲା ମନରେ ଆଲୋଚନା କରିବା ପାଇଁ ସରକାର ରାଜି। ଆନ୍ଦୋଳନକାରୀ ଆଲୋଚନା ପାଇଁ ତାରିଖ, ସମୟ ସ୍ଥିର କରିବା ଦରକାର ବୋଲି ଚାଷୀଙ୍କୁ ସରକାର ଲେଖିଥିବା ଚିଠିରେ କହିଛନ୍ତି।
ଅନ୍ୟପକ୍ଷରେ କଂଗ୍ରେସ ନେତା ରାହୁଲ ଗାନ୍ଧୀ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିଛନ୍ତି। ଭେଟିବା ବେଳେ କୃଷି ଆଇନ ବିରୋଧରେ ୨ କୋଟି ଲୋକଙ୍କ ସ୍ୱାକ୍ଷର ଥିବା ସ୍ମାରକପତ୍ର ପ୍ରଦାନ କରିଛନ୍ତି ରାହୁଲ୍। କୃଷି ଆଇନ ଉଚ୍ଛେଦ ନ ହେବା ଯାଏ, ଚାଷୀମାନେ ଦିଲ୍ଲୀ ସୀମାରୁ ଉଠିବେ ନାହିଁ ବୋଲି ରାହୁଲ କହିଛନ୍ତି। ୨୯ ଦିନ ହେବ ଆନ୍ଦୋଳନରେ ବସିଛନ୍ତି ଚାଷୀ।