ଗୁଜରାଟ ନିର୍ବାଚନ: କଂଗ୍ରେସକୁ ସମର୍ଥନ କରିବେ ହାର୍ଦ୍ଦିକ ପଟେଲ

ଅହମଦାବାଦ୍‌: ଗୁଜରାଟ ନିର୍ବାଚନରେ କଂଗ୍ରେସକୁ ସମର୍ଥନ କରିବେ ହାର୍ଦ୍ଦିକ ପଟେଲ।  ବିଜେପି ବିରୋଧରେ ମଧ୍ୟ ପ୍ରଚାର ଅଭିଯାନରେ ସେ ସାମିଲ ହେବେ ବୋଲି ଖୋଲାଖୋଲି କହିଛନ୍ତି। ପଟିଦାର ଆନ୍ଦୋଳନର ନେତା ପଟେଲ କହିଛନ୍ତି, ବିଜେପିକୁ ଭୋଟ ନ ଦେବାକୁ ଗୁଜରାଟବାସୀଙ୍କୁ ସେ ଅନୁରୋଧ କରିବେ । ପଟିଦାରମାନଙ୍କ ପାଇଁ ସଂରକ୍ଷଣକୁ  ପ୍ରାଥମିକତା ଦେବା ଦାବି ପ୍ରସଙ୍ଗରେ ତାଙ୍କୁ ଏଜେଣ୍ଟ ବୋଲି ଯେଉଁ ସମାଲୋଚନା କରାଯାଉଛି, ତା ଉପରେ ହାର୍ଦ୍ଦିକ ମୁହଁ ଖୋଲିଛନ୍ତି । ନିଜକୁ ଗୁଜରାଟବାସୀଙ୍କ ଏଜେଣ୍ଟ ବୋଲି କହିବା ସହ  ଲୋକଙ୍କ ସମସ୍ୟାକୁ କ୍ଷମତା ଅଳିନ୍ଦରେ ପହଞ୍ଚାଇବା ତାଙ୍କର କାମ ବୋଲି ସେ କହିଛନ୍ତି।