ଡେରାଡୁନ୍: ଉତ୍ତରାଖଣ୍ଡ ବିଜେପି ପକ୍ଷରୁ ଅଭିଯୋଗ କରାଯାଇଛି, ପୋଲିସ ପୂର୍ବତନ ମୁଖ୍ୟମନ୍ତ୍ରୀ ହରିଶ୍ ରାୱତଙ୍କୁ ବିରୋଧ କରୁଥିବା କଂଗ୍ରେସ ନେତାଙ୍କ ଫୋନ୍ ଟ୍ୟାପ୍ କରିଛି। ରାଜ୍ୟ ବିଜେପି ପ୍ରବକ୍ତା ମୁନା ସିଂହ ଚୌହାନ୍ ଏପରି ଅଭିଯୋଗ କରିଛନ୍ତି। କେବଳ ବିଦ୍ରୋହୀ କଂଗ୍ରେସ ନେତା ନୁହନ୍ତି, କିଛି ସାମ୍ବାଦିକଙ୍କ ଫୋନ୍ ମଧ୍ୟ ଟ୍ୟାପ୍ କରାଯାଇଛି।
ମୁନା ସିଂ ଆହୁରି କହିଛନ୍ତି, “ସୂଚନା ଅଧିକାର ଆଇନ ଆଧାରରେ ମିଳିଥିବା ତଥ୍ୟ ଅନୁସାରେ ପୋଲିସ୍ ଜୁନ୍ ୨୦୧୫ରୁ ବର୍ତ୍ତମାନ ଯାଏଁ ୩୭୮ଟି ଫୋନ୍ କୋଲ୍ ରେକର୍ଡିଂ କରିଥିବା କହିଛି। ବହୁ ଲୋକ ସେମାନଙ୍କ ଫୋନ୍ ଟ୍ୟାପ୍ କରାଯାଉଥିବା ଓ ଏହାଦ୍ୱାରା ତାଙ୍କ ବ୍ୟକ୍ତିଗତ ଜୀବନ ପ୍ରଭାବିତ ହେଉଥିବା କହିଛନ୍ତି। ଏପରି କି ଏବେ ବି ବିଜେପି ବିଧାୟକ ଓ ବିଦ୍ରୋହୀ କଂଗ୍ରେସ ବିଧାୟକଙ୍କ ଫୋନ୍ ଟ୍ୟାପ୍ କରାଯାଉଛି। ବିଧାନସଭାରେ ରାୱତ୍ ବହୁମତ ସାବ୍ୟସ୍ତ କରିବା ଲାଗି ଘୋଡା ବେପାର କରିବାକୁ ଚେଷ୍ଟା କରୁଛନ୍ତି। ଏହି ଘଟଣାର ଯାଞ୍ଚ କରାଯିବାକୁ ରାଜ୍ୟପାଳଙ୍କ ନିକଟରେ ଦଳ ପକ୍ଷରୁ ଦାବି କରାଯିବ।”