ଲଣ୍ଡନ୍: ଲଣ୍ଡନରେ କାର୍ଯ୍ୟରତ ଜଣେ ହାଇପ୍ରୋଫାଇଲ ବ୍ୟାଙ୍କର ବର୍ତ୍ତମାନ ଚାକିରିରୁ ତଡ଼ା ଖାଇଛନ୍ତି। ପରଶ ଶାହ ନାମକ ଏହି କୋଟିପତି ବ୍ୟାଙ୍କର ଅଫିସ୍ କ୍ୟାଣ୍ଟିନ୍ରୁ ଖାଦ୍ୟ ଚୋରି କରି ଏଭଳି ଫଶିଛନ୍ତି।
ତେବେ ତାଙ୍କ ଦରମାର ପରିମାଣ ଯଦି ଦେଖିବା ଏମିତି ଅଭାବରେ ନଥିଲେ ଯେ, ଚୋରି କରିବାକୁ ବାଧ୍ୟ ହେଉଥିବେ। ସେ ବ୍ରିଟିଶ ପାଉଣ୍ଡରେ ୭ଅଙ୍କର ଦରମା ପାଉଥିଲେ। ସେ ଲଣ୍ଡନର କାନାରୀ ହ୍ୱାର୍ଫଠାରେ ସିଟିବ୍ୟାଙ୍କର ୟୁରୋପ୍ ମୁଖ୍ୟାଳୟରେ କାର୍ଯ୍ୟ କରୁଥିଲେ। ସେ ବର୍ଷକୁ ୯.୨ କୋଟି ଟଙ୍କା ନେଉଥିଲେ।
ଫାଇନାନ୍ସିଆଲ ଟାଇମ୍ସର ରିପୋର୍ଟ ଅନୁଯାୟୀ ଗତ ମାସରେ ଏଥିପାଇଁ ଚାକିରି ହରାଇଛନ୍ତି। ତାଙ୍କ ସହଯୋଗୀଙ୍କ କହିବା ଅନୁଯାୟୀ ସେ ସମସ୍ତଙ୍କ ପସନ୍ଦର ଏବଂ ସଫଳ ବ୍ୟବସାୟୀ ଥିଲେ। ସେ ଏସ୍ଏସ୍ବିସିରେ ୭ ବର୍ଷ ଚାକିରି କରିବା ପରେ ୨୦୧୭ରେ ସିଟି ବ୍ୟାଙ୍କ ଆସିଥିଲେ।
ତେବେ ସେ କ୍ୟାଣ୍ଟିନ୍ରୁ କେତେ ଥର ଚୋରି କରିଛନ୍ତି ତାହା ସ୍ପଷ୍ଟ ହୋଇନି। ଗଣମାଧ୍ୟମ ତାଙ୍କୁ ପ୍ରଶ୍ନ କରିବାରୁ ସେ କହିଥିଲେ ସିଟି ଗ୍ରୁପ୍ ସେସବୁର ଉତ୍ତର ଦେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
