ଚଣ୍ଡିଗଡ଼: ହନିପ୍ରୀତଙ୍କ ରିମାଣ୍ଡର ଆଜି ଦ୍ୱିଦୀୟ ଦିନ। ହରିଆଣା ପୋଲିସ୍ ତାଙ୍କୁ ମାରାଥନ ଜେରା ଚଲାଇଛି। ରାମରହିମର କଳା ସାମ୍ରାଜ୍ୟ, ଅପରାଧିକ ଗତିବିଧି ସମ୍ପର୍କରେ ହନିପ୍ରୀତଙ୍କଠାରୁ ବହୁତ ତଥ୍ୟ ମିଳିବା ନେଇ ପୋଲିସ ଆଶା ରଖିଛି। ଏସବୁ ତଥ୍ୟ ହନିପ୍ରୀତଙ୍କଠାରୁ ବାହାର କରିବାକୁ ପୋଲିସ୍ ନାର୍କୋ ଟେଷ୍ଟ ମଧ୍ୟ କରିପାରେ। ପୋଲିସ ସୂତରୁ ଏଭଳି ଖବର ମିଳିଛି।
ପଞ୍ଚକୁଳାର ଚଣ୍ଡିମଣ୍ଡି ଥାନାରେ ଥିବା ହନିପ୍ରୀତଙ୍କୁ ଆଜି ପୋଲିସ ପ୍ରଥମେ ସେକ୍ଟର ୨୦ ଥାନା ଓ ପରେ ଭଟିଣ୍ଡା ନିଆଯାଇଥିଲା। ବର୍ତ୍ତମାନ ଯାଏଁ କୌଣସି ବିଶେଷ ତଥ୍ୟ ପୋଲିସ ହାସଲ କରିପାରିନାହିଁ।
ଅନ୍ୟପକ୍ଷରେ ହନୀପ୍ରିତ ନିଜ ଉପରେ ଥିବା ସମସ୍ତ ଅଭିଯୋଗକୁ ଖଣ୍ଡନ କରିଥିବା ତଦନ୍ତକାରୀ ପଞ୍ଚକୂଳା ଆଇଜି ମମତା ସିଂହ କହିଛନ୍ତି।
୬ ଦିନିଆ ରିମାଣ୍ଡରେ ଥିବା ହନିପ୍ରୀତକୁ ବିଭିନ୍ନ ଅଞ୍ଚଳକୁ ନେଇ ପଚରାଉଚରା କରିବାକୁ ଯୋଜନା ରଖିଛି ପୋଲିସ। ୩୮ ଦିନ ଧରି ଫେରାର ରହିବା ପରେ ମଙ୍ଗଳବାର ଗିରଫ ହୋଇଥିଲେ ହନିପ୍ରୀତ।