ମାଟି ତଳେ ମାଛ: ଜାଣନ୍ତୁ ଏହି ଭାଇରାଲ୍ ଭିଡିଓ ପଛର ସତ୍ୟତା

<p>ବିନ ପାଣିରେ ମାଛ ବଞ୍ଚିବା ସମ୍ଭବ ନୁହେଁ। ଏହା ସମସ୍ତଙ୍କୁ ଜଣା। ହେଲେ ସୋସିଆଲ ମିଡିଆରେ ଏବେ ଏକ ଅଦ୍ଭୁତ ଭିଡିଓ ବହୁତ ଭାଇରାଲ ହେଉଛି। ଏଥିରେ ଆଫ୍ରିକୀୟଙ୍କ ପରି ଦିଶୁଥିବା କିଛି ଲୋକ ଶୁଖିଲା ବିଲକୁ ଖୋଳି ମାଟି ଏକ ଥଳି ବାହାର କରୁଛନ୍ତି,&nbsp; ଯେଉଁଥିରୁ ବାହାରୁଛି ଏକ ଜୀଅନ୍ତା ମାଛ। ଜଳର ଚିହ୍ନବର୍ଣ୍ଣ ନଥିବା ଶୁଖିଲା ମାଟିରୁ ଜୀଅନ୍ତା ମାଛ ବାହାରିବା ଅବିଶ୍ୱସନୀୟ ଲାଗୁଥିଲେ ମଧ୍ୟ ଏହା ସମ୍ପୂର୍ଣ୍ଣ ସତ। ବିନା ପାଣିରେ ବର୍ଷ ବର୍ଷ ଧରି ବଞ୍ଚୁଥିବା ଏହି ମାଛକୁ ନେଇ ଓଡ଼ିଶଶ ରିପୋର୍ଟରର ବିଶେଷ ଉପସ୍ଥାପନା।</p><p>&lt;a href=&quot;&quot;&gt;(image) &lt;/a&gt;ଏହି ମାଛର ନାଁ ହେଉଛି ଲଙ୍ଗ୍ ଫିସ୍&nbsp;(Lungfish) ବା ଫୁସଫୁସ୍ ଥିବା ମାଛ। ଏହି ମାଛ ପାଣିରେ ରହିଥାଏ। ଆବଶ୍ୟକ ବେଳେ ଏହା ପାଣି ବାହାରେ ବଞ୍ଚିପାରେ। ଅନ୍ୟ ମାଛ ଭଳି ଏହା ପାଣିରେ ଶ୍ୱାସକ୍ରିୟା କରିବା ପାଇଁ ଗାଲିସି ବ୍ୟବହାର କରିଥାଏ। ପାଣି ବାହାରେ ଫୁସଫୁସ ଭଳି ଏକ ଅଙ୍ଗ ସାହାଯ୍ୟରେ ଶ୍ୱାସକ୍ରିୟା କରିପାରେ ଏହି ଅଦ୍ଭୁତ ମାଛ। ଆଫ୍ରିକା, ଅଷ୍ଟ୍ରେଲିଆ ଓ ଦକ୍ଷିଣ ଆମେରିକାର ନଦୀ, ହ୍ରଦ ଓ ଅନ୍ୟ ଜଳାଶୟରେ ଦେଖାଯାଉଥିବା ଏହି ମାଛ ଡାଇନୋସର୍ ଯୁଗ ପୂର୍ବରୁ ପୃଥିବୀରେ ଅଛନ୍ତି।</p><p>&lt;span style=&quot;font-size: 14pt; color: #ff0000;&quot;&gt;&lt;strong&gt;ବିନା ପାଣିରେ କେମିତି ବଞ୍ଚେ&lt;/strong&gt;&lt;/span&gt;</p><p>ଲଙ୍ଗ୍ ଫିସ୍ ପାଣିରେ ଥିବା ସମୟରେ ଅନ୍ୟ ମାଛ ପରି ଗାଲିସି ସାହାଯ୍ୟରେ ଶ୍ୱାସ କ୍ରିୟା କରେ। ଜଳାଶୟ ଶୁଖିଗଲେ ଏହା ପାଣି ବାହାରକୁ ଆସି ଫୁସଫୁସ୍ ସାହାଯ୍ୟରେ ଶ୍ୱାସକ୍ରିୟା କରିଥାଏ। ଶୁଷ୍କ ଜଳବାୟୁରେ କଠିନ ସ୍ଥିତିରେ ଏହା ନିଜକୁ ଜୀବିତ ରଖିବା ପାଇଁ ଅଦ୍ଭୁତ ଉପାୟ ଅବଲମ୍ବନ କରେ। ମାଟି ଶୁଖି ଟାଣ ହେବା ପୂର୍ବରୁ ଏହା କାଦୁଅ ଭିତରେ କିଛି ଗଭୀରକୁ ଗାତଖୋଳି ଚାଲିଯାଏ। ସେଠାରେ ନିଜ ଶରୀରରୁ ଏକ ପ୍ରକାର ଲାଳ ବାହାର କରେ ଓ ନିଜ ଚାରିପଟେ ଏକ ଲାଳର ମୋଟା ପରସ୍ତ ତିଆରି କରେ। ଧୀରଧୀରେ ମାଟି ଶୁଖିବା ସହ ଲଙ୍ଗ୍ ଫିସ୍ ଶରୀରରୁ ନିର୍ଗତ ଲାଳ ମଧ୍ୟ ଶୁଖିବାରେ ଲାଗେ ଓ ଏକ ଥଳିରେ ପରିଣତ ହୋଇଯାଏ। ମାଛଟି ଥଳି ମଧ୍ୟରେ ରହିବା କାରଣରୁ ସମ୍ପୂର୍ଣ୍ଣ ଶୁଷ୍କତାରୁ ବର୍ତ୍ତି ଯାଇଥାଏ ।<br />&lt;a href=&quot;http://odishareporter.in/wp-content/uploads/2017/11/2-6.jpg&quot;&gt;(image) &lt;/a&gt;କେବଳ ଏତିକି ନୁହେଁ, ଲଙ୍ଗ୍ ଫିସ୍ ଥଳିରେ ରହିବା ସମୟରେ ଅନ୍ୟ ଜୀବଙ୍କ ଶୀତଶୁପ୍ତି ଭଳି ନିଦ୍ରାବସ୍ଥାକୁ ଚାଲିଯାଏ ଓ ନିଜ ଶରୀରର ରାସାୟନିକ କ୍ରିୟା ବା ମେଟାବଲିଜିମକୁ ୬୦ ପ୍ରତିଶତ&nbsp;ହ୍ରାସ କରିଦିଏ। ଫଳରେ ଖାଦ୍ୟାଭାବ ଓ ଜଳାଭାବ ସତ୍ତ୍ୱେ ଶରୀରରୁ ଅଯଥା ଶକ୍ତି ଅପଚୟ ନହେବା କାରଣରୁ ସେ ପ୍ରାୟ ୪ ବର୍ଷ ପର୍ଯ୍ୟନ୍ତ ସେଭଳି ଅବସ୍ଥାରେ ବଞ୍ଚି ରହିପାରେ। ଯେତେବେଳେ ଶୁପ୍ତ ଅବସ୍ଥାରେ ମଧ୍ୟ ଧୀରେ ଧୀରେ ମାଛ ଶରୀର ଶକ୍ତି ଶେଷ ହେବାରେ ଲାଗେ, ଲଙ୍ଗ୍ ଫିସ୍ ନିଜ ମାଂସକୁ ଭିତରୁ ଭିତରୁ ନିଜେ ଖାଇବାରେ ଲାଗେ।</p><p>ଯେତେବେଳେ ବର୍ଷା ହୁଏ ଓ ଜଳାଶୟରେ ପାଣି ଭର୍ତ୍ତି ହୋଇଯାଏ, ମାଛଟି ଶୁପ୍ତ ଅବସ୍ଥାରୁ ସକ୍ରିୟ ହୋଇ ଗାତରୁ ବାହାରି ଆସେ ଓ ପୁଣି ଜଚର ଜୀବନ ଅତିବାହିତ କରେ। ବଞ୍ଚି ରହିବାର ଏହି ଅଦ୍ଭୁତ ଦକ୍ଷତା ଯୋଗୁଁ ଲଙ୍ଗ୍ ଫିସ୍ ଡାଇନୋସରଙ୍କ ପୂର୍ବରୁ ହୋଇ ମଧ୍ୟ ଆଜି ବି ପୃଥିବୀରେ ନିଜ ଅସ୍ତିତ୍ୱ ବଜାୟ ରଖିପାରିଛି।</p><p>&amp;nbsp;</p><p>https://youtu.be/k_GrbSTUP0Y</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।