କୋଲକାତା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଭେଟକୁ ବିଜେପି ସ୍ୱାଗତ କରିଛି। ପଶ୍ଚିମବଙ୍ଗର ବରିଷ୍ଠ ବିଜେପି ନେତା ମୁକୁଲ ରୟ କହିଛନ୍ତି, ସଂଘୀୟ ବ୍ୟବସ୍ଥା ଏମିତି ହିଁ ଚାଲେ। ସେ ଏହି ଭେଟ୍ଘାଟ୍କୁ ସ୍ୱାଗତ କରିଥିଲେ ହେଁ ମମତାଙ୍କୁ ସମାଲୋଚନା କରିବା ଭୁଲିନାହାନ୍ତି।
ସେ କହିଛନ୍ତି, ଯଦି ମୁଖ୍ୟମନ୍ତ୍ରୀ ପ୍ରଧାନମନ୍ତ୍ରୀଙ୍କୁ ସମୟ ମାଗି ଭେଟିଛନ୍ତି, ସେ ଭେଟିବା ଉଚିତ। ସମାନ ଭାବେ ଯଦି ପ୍ରଧାନମନ୍ତ୍ରୀ ମୁଖ୍ୟମନ୍ତ୍ରୀଙ୍କୁ ଭେଟିବାକୁ ଡାକୁଛନ୍ତି, ତା’କୁ ମଧ୍ୟ ମୁଖ୍ୟମନ୍ତ୍ରୀ ସମ୍ମାନ ଜଣାଇବା ଆବଶ୍ୟକ। ସେ କହିଥିଲେ, ପ୍ରଧାନମନ୍ତ୍ରୀ ଏବଂ ସ୍ୱରାଷ୍ଟ୍ରମନ୍ତ୍ରୀ ମମତାଙ୍କୁ ଭେଟିବା ପାଇଁ ବହୁତ ଥର ଦିଲ୍ଲୀ ଡାକିଛନ୍ତି। କିନ୍ତୁ ମମତା ଏସବୁକୁ ଅଗ୍ରାହ୍ୟ କରିଦେଇଥିଲେ।
ଏନ୍ଆରସି ବାବଦରେ ମୁକୁଲ କହିଥିଲେ, ମମତା ନିଷ୍ପତ୍ତି ନିଅନ୍ତୁ ସେ ଏନ୍ଆରସିକୁ ସମର୍ଥନ ଜଣାଇବେ ନା ବିରୋଧ କରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।