ହାଇଦ୍ରାବାଦ: ନିର୍ବାଚନ ସମୟରେ ପ୍ରତିଶ୍ରୁତି ଏବଂ ପ୍ରଚାରର ତରିକା ସବୁବେଳେ ଚର୍ଚ୍ଚାରେ ରହିଆସିଛି। କିନ୍ତୁ ଡିସେମ୍ବର ୭ ତାରିଖରେ ନିର୍ବାଚନ ହେବାକୁ ଥିବା ତେଲେଙ୍ଗାନାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି, ୟୁପିଏ ଅଧ୍ୟକ୍ଷ ସୋନିଆ ଗାନ୍ଧି ଏବଂ ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓଙ୍କ ପରି ବଡ଼ ବଡ଼ ମୁହଁଙ୍କ ପ୍ରଚାରକୁ ଫିକା ପକାଇଦେଇଛନ୍ତି ଜଣେ ସ୍ୱାଧୀନ ପ୍ରାର୍ଥୀ।
ଆକୁଲା ହନୁମନ୍ତ ନାମକ ଏହି ସ୍ୱାଧୀନ ପ୍ରାର୍ଥୀ କୋରୁଟ୍ଲା ଆସନରୁ ଲଢ଼ିବେ। ଆଉ ଏଥିପାଇଁ ସେ ହାତରେ ଚପଲ ଧରି ବୁଲୁଛନ୍ତି। ବିକାଶର ନାରା ଦେବା ସହିତ ସେ କହୁଛନ୍ତି, “ଜିତିବା ପରେ ଯଦି କାମ ନକରେ, ଆପଣ ମୋତେ ଏହି ଚପଲରେ ପିଟିପାରିବେ।”
https://twitter.com/Ashi_IndiaToday/status/1065617457434509313
ଏହି ବାର୍ତ୍ତା ସମ୍ବଳିତ ଏକ ଭିଡିଓ ବର୍ତ୍ତମାନ ସୋଶାଲ ମିଡିଆରେ ଭାଇରାଲ ହେବାକୁ ଆରମ୍ଭ କରିଛି। ଏଥିରେ ଦେଖାଯାଉଛି ଦୁଆର ଦୁଆର ବୁଲି ପ୍ରଚାର କରିବା ଅବସରରେ ସେ କହୁଛନ୍ତି, ବିକାଶ ନକରିପାରିଲେ ଇସ୍ତଫା ଦେବି।
ଆଗାମୀ ବିଧାନସଭା ନିର୍ବାଚନରେ ସେ ଶାସକ ଦଳରୁ ବରିଷ୍ଠ ନେତା ବିଧାୟକ କେ ବିଦ୍ୟାସାଗର ରାଓଙ୍କ ବିପକ୍ଷରେ ଲଢ଼ିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
