ଦିଲ୍ଲୀ-ଫରିଦାବାଦ ମେଟ୍ରୋ ଲାଇନର ଶୁଭାରମ୍ଭ କଲେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ଦିଲ୍ଲୀ-ଫରିଦାବାଦ ମେଟ୍ରୋ ଲାଇନର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ମେଟ୍ରୋ ଲାଇନ୍ ହେବା ଫଳରେ ରାଜଧାନୀ ଓ ହରିଆନାର ଶିଳ୍ପକେନ୍ଦ୍ର ଫରିଦାବାଦ ମଧ୍ୟରେ ଦୈନିକ ପ୍ରାୟ ୨ଲକ୍ଷ ଲୋକ ସ୍ୱଚ୍ଛନ୍ଦରେ ଯାତାୟତ କରିପାରିବେ। ଦିଲ୍ଲୀ ମେଟ୍ରୋର ଏହି ଏକ୍ସଟେନ୍ସନ୍ ବଦର୍ପୁର ଓ ମୁଜେସର୍କୁ ସଂଯୋଗ କରୁଛି। ମେଟ୍ରୋଲାଇନ୍ ଶୁଭାରମ୍ଭ ପରେ ମୋଦି ନିଜେ ମେଟ୍ରୋରେ ଯାତ୍ରା କରିବା ସହ ଲୋକଙ୍କ ସହ ସେଲ୍ଫି ନେଇଥିଲେ। ତାଙ୍କର ସେଲ୍ପିଗୁଡ଼ିକ ଟ୍ବିଟର ପେଜରେ ପ୍ରକାଶ ପାଇଛି। ପ୍ରାୟ ୧୪ କିଲୋମିଟର ଲମ୍ୱ ଏହି ମେଟ୍ରୋ ଲାଇନ୍ ପାଇଁ ୨୫ଶହ କୋଟି ଟଙ୍କା ଖର୍ଚ୍ଚ ହୋଇଛି। ସେଥିରୁ ୧ହଜାର ୫ଶହ ୫୭କୋଟି ଟଙ୍କ। ହରିଆନା ସରକାର ଦେଇଥିବା ବେଳେ କେନ୍ଦ୍ର ସରକାର ୫ଶହ ୩୭କୋଟି ଓ ଦିଲ୍ଲୀ ମେଟ୍ରୋ ୪ଶହ କୋଟି ଟଙ୍କା ଖର୍ଚ୍ଚ କରିଛନ୍ତି। ବର୍ଦପୁରରୁ ଫରିଦାବାଦ ମଧ୍ୟରେ ଆସୁଥିବା ୯ଟି ଯାକ ଷ୍ଟେସନରେ ସୋଲାର୍ ପାୱାର୍ ପାଇଁ ବ୍ୟବସ୍ଥା ହୋଇଛି, ଯାହାକି ଭାରତରେ ପ୍ରଥମ।