ଖଣ୍ଡଓ୍ୱା: ଗଛରୁ ମିଳିଲା ୩ ଭଉଣୀଙ୍କ ଝୁଲନ୍ତା ମୃତଦେହ। ଆଜି ମଧ୍ୟପ୍ରଦେଶର ଖଣ୍ଡଓ୍ୱା ଜିଲ୍ଲାର ଜଓ୍ୱାର ଥାନା ଅନ୍ତର୍ଗତ କୋଟଖେଡ଼ି ଗ୍ରାମରେ ଏହି ଘଟଣା ଘଟିଛି। ମୃତକଙ୍କ ନାମ ସୋନୁ, ସାବିତ୍ରୀ ଓ ଲଳିତା। ସେମାନେ ତାଙ୍କ ମା’ ଓ ଭାଇମାନଙ୍କ ସହ ରହୁଥିଲେ।
ଏବେ ତାଙ୍କ ଘରେ ମା’ ବ୍ୟତୀତ ଅନ୍ୟ ୨ ଜଣ ଭାଉଣୀ ଓ ୩ ଭାଇ ରହିଛନ୍ତି। ତେବେ ଏହି ୩ ଭଉଣୀଙ୍କ ମୃତ୍ୟୁର କାରଣ ଜଣାପଡ଼ିନି। ଖବର ପାଇ ପୁଲିସ ପହଞ୍ଚିବା ପରେ ମୃତଦେହଗୁଡ଼ିକୁ ବ୍ୟବଚ୍ଛେଦ ନିମନ୍ତେ ପଠାଇ ଦିଆଯାଇଛି।
ଘଟଣା ସ୍ଥଳ କିମ୍ବା ଘରୁ କୌଣସି ପ୍ରକାର ସୁଇସାଇଡ୍ ନୋଟ୍ ମିଳିନି। ତେଣୁ ତଦନ୍ତ ଆରମ୍ଭ କରିଥିବା ପୁଲିସ ମୃତ୍ୟୁର କାରଣ ଜାଣିବା ନିମନ୍ତେ ଚେଷ୍ଟା ଚଳାଇଛି। ପରିବାର ଲୋକ ଓ ପାଖପଡ଼ୋଶୀଙ୍କୁ ପଚରାଉଚରା କରାଯାଉଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। ଏହା ହତ୍ୟା ନା ଆତ୍ମହତ୍ୟା ତାହାକୁ ନେଇ ସମସ୍ତେ ସନ୍ଦେହରେ ରହିଛନ୍ତି।