ଚଣ୍ଡିଗଡ: ପଞ୍ଜାବର ଫିରୋଜପୁର ଅବୋହର ସୀମା ନିକଟରୁ ବିପୁଳ ଅସ୍ତ୍ରଶସ୍ତ୍ର ଜବତ କରାଯାଇଛି। ଏହି ସବୁ ଅସ୍ତ୍ରଶସ୍ତ୍ର ପାକିସ୍ତାନରୁ ଆସିଥିଲା ବୋଲି ଜଣାପଡ଼ିଛି। ବିଏସ୍ଏଫ୍ ସର୍ଚ୍ଚ ଅପରେସନ କରୁଥିବା ବେଳେ ଏହି ସବୁ ଅସ୍ତ୍ରଶସ୍ତ୍ର ଜବତ କରିଛି। ସେପ୍ଟେମ୍ବର 12 ପ୍ରାୟ ସକାଳ 7ଟାରେ ବିଏସଏଫ ଏକ ହଳଦିଆ ପ୍ଲାଷ୍ଟିକ୍ ବ୍ୟାଗ ଉଦ୍ଧାର କରିଥିଲା। ଯେଉଁଥିରେ ଅସ୍ତ୍ରଶସ୍ତ୍ର ଭର୍ତ୍ତି ହୋଇ ରହିଥିଲା। ଏହି ବ୍ୟାଗ ଗୁଡ଼ିକ ଅତ୍ୟାଧୁନିକ ହୋଇଥିବାରୁ ଆତଙ୍କବାଦୀ କୌଣସି ବଡ଼ ଅଘଟଣ ଅଭିଯାନରେ ଅଛନ୍ତି ବୋଲି ଆଶଙ୍କା କରାଯାଉଛି।
https://twitter.com/BSF_India/status/1304651426853863430
ବ୍ୟାଗକୁ ଖୋଜିବା ପରେ ସେଥିରେ ଦୁଇଟି M-16 ରାଇଫଲ, 3 ମାଗାଜିନ, 2ଟି ପିସ୍ତଲ ଉଦ୍ଧାର କରାଯାଇଥିଲା। ଏହି ବ୍ୟାଗ ପାଖରେ ଆଉ ଏକ ବ୍ୟାଗ ମିଳିଥିଲା ଯେଉଁଥିରେ 3ଟି AK-47, 3ଟି ମାଗାଜିନ ମଧ୍ୟ ଥିଲା। ଏହି ବଡ ଅସ୍ତ୍ରଶସ୍ତ୍ର ମିଳିବା ପରେ ଆଖପାଖ ଅଞ୍ଚଳରେ ସର୍ଚ୍ଚ ଅପରେସନ୍ ଜୋରଦାର କରିଛି ବିଏସଏଫ ଏବଂ ସ୍ଥାନୀୟ ପ୍ରଶାସନ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
