ବେଙ୍ଗାଲୁରୁ: ନିଜର ବିବାଦୀୟ ଓ ବେଧଡ଼କ ବୟାନ ପାଇଁ ସବୁବେଳେ ଚର୍ଚ୍ଚାରେ ରହୁଥିବା କର୍ଣ୍ଣାଟକାର କଂଗ୍ରେସ ବିଧାୟକ କେଆର ରମେଶ କୁମାର ଗୁରୁବାର ବଡ଼ ଦାବି କରିଛନ୍ତି। ସେ ନେହରୁ ଓ ଗାନ୍ଧି ପରିବାର ସମ୍ପର୍କରେ ଦେଇଥିବା ବୟାନକୁ ନେଇ ବିବାଦ ସୃଷ୍ଟି ହୋଇଛି। ଗାନ୍ଧି ପରିବାର ନାଁରେ କଂଗ୍ରେସ ନେତାମାନେ ଅନେକ ଟଙ୍କା ହାସଲ କରି ସାରିଲେଣି ବୋଲି ରମେଶ କୁମାର ଦାବି କରିଛନ୍ତି।
ଗୁରୁବାର ଇଡି ସୋନିଆ ଗାନ୍ଧିଙ୍କୁ ଜେରା କରୁଥିବା ବେଳେ ଦେଶର ବିଭିନ୍ନ ପ୍ରାନ୍ତ ଭଳି କର୍ଣ୍ଣାଟକାରେ ମଧ୍ୟ କଂଗ୍ରେସ କର୍ମୀମାନେ ବିକ୍ଷୋଭ କରୁଥିଲେ। ଏହିକ୍ରମରେ ବେଙ୍ଗାଲୁରୁର ଫ୍ରିଡମ ପାର୍କ ନିକଟରେ କଂଗ୍ରେସ ପକ୍ଷରୁ ଆୟୋଜିତ ବିକ୍ଷୋଭ ସମାବେଶରେ ରମେଶ କୁମାର ଯୋଗ ଦେଇଥିଲେ। ଏହି ସମୟରେ ସେ କର୍ମୀମାନଙ୍କୁ ସମ୍ବୋଧନ କରି କହିଛନ୍ତି, “ଜବାହର ଲାଲ ନେହରୁ, ଇନ୍ଦିରା ଗାନ୍ଧି ଓ ସୋନିଆ ଗାନ୍ଧିଙ୍କ ନାଁରେ ଆମେ ମାନେ ଆମର ୩ରୁ ୪ ପିଢ଼ିଙ୍କ ପାଇଁ ଅନେକ ଟଙ୍କା କମେଇ ସାରିଲେଣି। ବର୍ତ୍ତମାନ ଯଦି ଆପଣମାନେ ଏହି ଋଣକୁ ପରିଶୋଧ କରିବେ ନାହିଁ, ତା’ହେଲେ ଏହା କାହା ପାଇଁ ବି ଶୁଭଙ୍କର ସାବ୍ୟସ୍ତ ହେବନି। ଯଦି ଆମେ ଆଜି ବଳିଦାନ ନ ଦେବା, ତା’ହେଲେ ଭବିଷ୍ୟତରେ ଆମେ ଖାଉଥିବା ଖାଦ୍ୟ କାଳେ ଆମ ପାଇଁ ଘାତକ ସାବ୍ୟସ୍ତ ହେବ ସେକଥା ଏବେ ମୋତେ ଭୟଭୀତ କରୁଛି। ଆମକୁ ଛୋଟ ଛୋଟ ପ୍ରସଙ୍ଗ ଛାଡ଼ି କଂଗ୍ରେସ ଓ ସୋନିଆ ଗାନ୍ଧିଙ୍କୁ ମଜବୁତ କରିବାକୁ ପଡ଼ିବ। ”
ରମେଶ କୁମାରଙ୍କ ଏହି ବୟାନ ରାଜ୍ୟରେ କ୍ଷମତାସୀନ ବିଜେପି ପାଇଁ ଗୋଟିଏ ବଡ଼ ଅସ୍ତ୍ର ଭାବେ ଉଭା ହୋଇଛି। ପୂର୍ବରୁ କଂଗ୍ରେସକୁ ଦୁର୍ନୀତି ଗ୍ରସ୍ତ ଦଳ କହି ସମାଲୋଚନା କରୁଥିବା ବିଜେପି ଏବେ ରମେଶ କୁମାରଙ୍କ ବୟାନକୁ ନେଇ ଆଟାକିଂ ମୁଡକୁ ଚାଲି ଆସିଛି। ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ସୁଧାକର କେ କହିଛନ୍ତି, “କଂଗ୍ରେସର ଲୁଟ ଭାରତ କାର୍ଯ୍ୟକ୍ରମକୁ ବେଶ ସୁନ୍ଦର ଭାବେ ନେତା ଜଣଙ୍କ ସାର୍ବଜନୀନ କରିଛନ୍ତି। ଏଥିପାଇଁ ତାଙ୍କୁ ଶୁଭେଚ୍ଛା।” ସେହିପରି ବିଜେପିର ଅନେକ ନେତା ମଧ୍ୟ ରମେଶ କୁମାରଙ୍କ ବୟାନକୁ ଆଧାର କରି କଂଗ୍ରେସକୁ ଘେରିବାକୁ ଉଦ୍ୟମ ଆରମ୍ଭ କରିଛନ୍ତି।
ಕಾಂಗ್ರೆಸ್ ಪಕ್ಷದ 60 ವರ್ಷಗಳ #LootIndia ಕಾರ್ಯಕ್ರಮವನ್ನ ಅತ್ಯಂತ ಸೊಗಸಾಗಿ ವರ್ಣಿಸಿದ ಮೇಧಾವಿ ನಾಯಕರಿಗೆ ಅಭಿನಂದನೆಗಳು!
ನಿಮ್ಮ ಪಕ್ಷದ ಹಿರಿಯ ನಾಯಕರೇ ಇಷ್ಟು ಪ್ರಾಮಾಣಿಕವಾಗಿ ಬ್ರಹ್ಮಾಂಡ ಭ್ರಷ್ಟಾಚಾರವನ್ನ ಒಪ್ಪಿಕೊಂಡಮೇಲೆ ಯಾವ ಮುಖ ಇಟ್ಟುಕೊಂಡು ಜನರ ಬಳಿ ಮತ ಕೇಳುತ್ತೀರಿ @INCIndia ನಾಯಕರೇ? pic.twitter.com/r0Kqt3OZpZ
— Dr Sudhakar K (@mla_sudhakar) July 21, 2022