ଚଣ୍ଡିଗଡ: ରାଗିଗଲେ କଂଗ୍ରେସ ସାଂସଦ ରାହୁଲ ଗାନ୍ଧୀ। ସମସ୍ତଙ୍କ ଆଗରେ ଦେଖାଇଲେ ନାଲି ଆଖି। ରାହୁଲଙ୍କ ରାଗ ଦେଖି ଚକିତ ହୋଇଗଲେ ଅନ୍ୟ କର୍ମୀ। ଏହି ପୂରା ଘଟଣାର ଭିଡିଓ ଏବେ ସାମ୍ନାକୁ ଆସିଛି, ଯାହାପରେ ଭାଇରାଲ ହେବାରେ ଲାଗିଛି। ସେପଟେ ଏହି ଭିଡିଓକୁ ନେଇ ବିଜେପି ମଧ୍ୟ କଂଗ୍ରେସ ଉପରେ ଜୋରଦାର ଟାର୍ଗେଟ୍ କରିଛି।
କଂଗ୍ରେସର ଭାରତ ଯୋଡୋ ଯାତ୍ରା ରାଜସ୍ଥାନ ପରେ ଏବେ ହରିୟାଣାରେ ପ୍ରବେଶ କରିଛି। ଏହି ସମୟରେ ଫ୍ଲାଗ୍ ଏକ୍ସଚେଞ୍ଜର ଏକ କାର୍ଯ୍ୟକ୍ରମରେ ରାହୁଲ ଗାନ୍ଧୀ ରାଗି ଯାଇଛନ୍ତି। ମଞ୍ଚ ଉପରେ ସେଲ୍ଫି ନେବାକୁ ଚେଷ୍ଟା କରୁଥିବା ଜଣେ କଂଗ୍ରେସ କର୍ମୀଙ୍କ ହାତକୁ ଝାଡି ଦେଇଛନ୍ତି ରାହୁଲ। ମଞ୍ଚ ଉପରେ ଠେଲାପେଲା ପରିସ୍ଥିତି ସୃଷ୍ଟି ହେବା ପରେ ରାହୁଲ ନିଜ କଣ୍ଟ୍ରୋଲ ହରାଇ ବସିଛନ୍ତି। ଏହି ଭିଡିଓ ଏବେ ସାମ୍ନାକୁ ଆସିବା ପରେ ବିଜେପି ରାହୁଲ ଗାନ୍ଧୀଙ୍କ ସମେତ ଭାରତ ଯୋଡୋ ଯାତ୍ରାକୁ ମଧ୍ୟ ଟାର୍ଗେଟ୍ କରିଛି।
https://twitter.com/gssjodhpur/status/1605437911855353856?s=20&t=KkB7Q__B9_6r342rqcjFwg
ରାହୁଲ ଗାନ୍ଧୀଙ୍କ ଏହି ଭିଡିଓକୁ କେନ୍ଦ୍ରମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ନିଜ ଟ୍ୱିଟର୍ ହ୍ୟାଣ୍ଡେଲରେ ଶେଆର କରିଛନ୍ତି। ଲେଖିଛନ୍ତି, ଏହାକୁ କୁହନ୍ତି ଅହଂକାରରେ ହିତାହିତ ଜ୍ଞାନ ହରାଇବସିବା! ପ୍ରେମର ଦୋକାନରେ ଫିକା ଖାଦ୍ୟ! ଏଥିସହ ସେ ହାସ୍ଟ୍ୟାଗ୍ ଭାରତ ଯୋଡୋ ଯାତ୍ରା ମଧ୍ୟ ଲେଖିଛନ୍ତି।
ଦଳର ଆଉ ଜଣେ ନେତା, ରାଜସ୍ଥାନ ବିଜେପିର ରାଜ୍ୟ ସଚିବ, ଲକ୍ଷ୍ମୀକାନ୍ତ ଭରଦ୍ୱାଜ ମଧ୍ୟ ଏହି ଭିଡିଓକୁ ଟ୍ୱିଟ୍ କରି ରାହୁଲଙ୍କୁ ବାଣ ମାରିଛନ୍ତି। ଭାଇଙ୍କୁ କ’ଣ ହେଲା? ବୋଲି ପ୍ରଶ୍ନ କରିଛନ୍ତି।