ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପ୍ରବଳ ବର୍ଷା ଲାଗି ରହିଛି। ଗତକାଲିଠୁ ଲାଗି ରହିଥିବା ବର୍ଷାକୁ ଯୋଗୁଁ ଦିଲ୍ଳୀର ବିଭିନ୍ନ ଅଞ୍ଚଳରେ ପାଣି ଜମିଛି । ତୋଗଲୋକାବାଦ୍, ଚାଣକ୍ୟପୁରୀ, ଜନକପୁରୀ, ପୁରୁଣା ଦିଲ୍ଲୀ ଭଳି ବିଭିନ୍ନ ଅଞ୍ଚଳରେ ରାସ୍ତା ଉପରେ ପାଣି ସୁଅ କାଟୁଛି । ଫଳରେ ଏହାର ସିଧା ପ୍ରଭାବ ଟ୍ରାଫିକ୍ ଚଳାଚଳ ଉପରେ ପଡ଼ିଛି । ଦିଲ୍ଲୀରୁ ଗୁରୁଗ୍ରାମ ଜାତୀୟ ରାଜପଥରେ ବି ପାଣି ଜମିଛି । ବହୁ ସଂଖ୍ୟାରେ ଗାଡ଼ି ଅଟକି ରହିବି ଯୋଗୁଁ ଟ୍ରାଫିକ୍ ଜାମ ପରିସ୍ଥିତି ସୃଷ୍ଟି ହୋଇଛି।
ସେହିପରି ହରିୟାଣାରେ ପ୍ରବଳ ବର୍ଷା ଲାଗି ରହିଛି। ହରିୟାଣାର ବିଭିନ୍ନ ସ୍ଥାନରେ ମୁଶଳଧାରାରେ ବର୍ଷା ହୋଇଛି । ବିଶେଷ କରି ଗୁରୁଗ୍ରାମରେ ଜଳବନ୍ଦୀ ସ୍ଥିତି ସୃଷ୍ଟି ହୋଇଛି। ଏପରିକି ରାଜପଥ ଗୁଡ଼ିକରେ ପ୍ରବଳ ପାଣି ଜମି ରହିଥିବାରୁ ଲୋକେ ନାହିଁ ନଥିବା ସମସ୍ୟାର ସମ୍ମୁଖିନ ହୋଇଛନ୍ତି । ଯେଉଁଠି ରାସ୍ତା ବିପର୍ଯ୍ୟସ୍ତ ହୋଇପଡ଼ିଛି , ସେଠାରେ ସ୍ଥିତି ସଂଗୀନ ହୋଇଛି ଘଣ୍ଟା ଘଣ୍ଟା ଧରି ଲୋକେ ଯାତାୟତରେ ସମସ୍ୟା ଭୋଗୁଛନ୍ତି।