ନୂଆଦିଲ୍ଲୀ: ଜଣେ ସନ୍ଦିଗ୍ଧ ଆଇଏସ୍ଆଇଏସ୍ ସଦସ୍ୟକୁ ଗିରଫ କରିଛି ଦିଲ୍ଲୀ ପୁଲିସ୍। ଗତକାଲି ରାତିରେ ଅଳ୍ପ କିଛି ସମୟର ଗୁଳିବିନିୟମ ପରେ ପୁଲିସ୍ ତାକୁ ଗିରଫ କରିଛି। ତା’ ନାଁ ଅବୁ ୟୁସୁଫ। ତା’ଠାରୁ ଦୁଇଟି ଆଇଇଡି (Improvised Explosive Devices) ଓ ଗୋଟିଏ ପିସ୍ତଲ ଜବତ କରାଯାଇଛି। ସେ ଆକ୍ରମଣ ଯୋଜନା ରଖିଥିଲା ବୋଲି ପୁଲିସ୍ ଜାଣିବାକୁ ପାଇଛି।
ଦିଲ୍ଲୀ ପୁଲିସ୍ର ସ୍ପେଶାଲ୍ ସେଲ୍ ପକ୍ଷରୁ କୁହାଯାଇଛି ଯେ ଅଭିଯୁକ୍ତ ଦିଲ୍ଲୀର ବିଭିନ୍ନ ସ୍ଥାନକୁ ଯାଇଥିଲା ଓ ଏକୁଟିଆ ଆକ୍ରମଣ କରିବା ଯୋଜନାରେ ରହିଥିଲା। ଏନେଇ ଅଧିକ ତଦନ୍ତ କରାଯାଉଛି।
National Security Guard (NSG) and Bomb Disposal Squad (BDS) will analyse the contents of the Improvised Explosive Devices (IEDs) recovered today from the ISIS operative: Delhi Police pic.twitter.com/qw3AporSDY
— ANI (@ANI) August 22, 2020
ବେଙ୍ଗାଲୁରୁରେ କିଛି ଦିନ ତଳେ ଜଣେ ଡାକ୍ତରଙ୍କୁ ଆତଙ୍କବାଦୀ ସଂଗଠନ ଆଇଏସ୍ଆଇଏସ୍ ସହ ସଂପର୍କ ଥିବା ଅଭିଯୋଗରେ ଗିରଫ କରାଯାଇଥିଲା। ତାଙ୍କ ନାଁ ରହମାନ (୨୮)। ତାଙ୍କୁ ନ୍ୟାସ୍ନାଲ୍ ଇନ୍ଭେଷ୍ଟିଗେସନ୍ ଏଜେନ୍ସୀ (ଏନ୍ଆଇଏ) ସୋମବାର ଦିନ ଗିରଫ କରିଥିଲା। ଏହା ପୂର୍ବରୁ ଆଇଏସ୍ଆଇଏସ୍ ଲିଙ୍କ୍ ଅଭିଯୋଗରେ ଗତ ମାର୍ଚ୍ଚ ମାସରେ ଦିଲ୍ଲୀରୁ ଏକ ଦମ୍ପତିଙ୍କୁ ମଧ୍ୟ ଏନ୍ଆଇଏ ଗିରଫ କରିଥିଲା।