ବହୁ କଳ୍ପନାଜଳ୍ପନାର ଅନ୍ତ ଘଟାଇ ବିଜେପି ତା’ର ରାଷ୍ଟ୍ରପତି ପ୍ରାର୍ଥୀ ରାମନାଥ କୋବିନ୍ଦ ନାମ ଘୋଷଣା କରିଛି। ରାମନାଥ ଏବେ ବିହାରରେ ରାଜ୍ୟପାଳ ଅଛନ୍ତି । ଏକଦା ସିଭିଲ ସର୍ଭିସ ପାଇଁ ଦୁଇ ଦୁଇ ଥର ଉଦ୍ୟମ କରି ତୃତୀୟଥର କୃତକାର୍ଯ୍ୟ ହୋଇଥିବା ରାମନାଥଙ୍କ ବିଷୟରେ ଆଉ କିଛି ତଥ୍ୟ ଜାଣିବା ଆସନ୍ତୁ।
୧: ରାମନାଥ ଉତ୍ତରପ୍ରଦେଶ କାନପୁରର ପାରାଉଙ୍ଖ ଗାଁରେ ୧୯୪୫ ଅକ୍ଟୋବର ୧ ରେ ଜନ୍ମଗ୍ରହଣ କରିଥିଲେ। ସେ ବାଣିଜ୍ୟ ଏବଂ ଲ’ରେ କାନପୁର ବିଶ୍ୱବିଦ୍ୟାଳୟରେ ସ୍ନାତକ ହାସଲ କରିଛନ୍ତି। ଏହା ପରେ ସେ ସିଭିଲ ସର୍ଭିସ ପ୍ରସ୍ତୁତି ପାଇଁ ଦିଲ୍ଲୀ ଯାଇଥିଲେ। ସିଭିଲ ସର୍ଭିସ ପରୀକ୍ଷାରେ ୨ ଥର ବିଫଳ ହେବା ପରେ ତୃତୀୟ ଥର ସଫଳ ହୋଇଥିଲେ। ଏଥିରେ ସେ ଆଲାଏଡ ସର୍ଭିସ ପାଇଥିଲେ ମଧ୍ୟ ଚାକିରି଼ରେ ଯୋଗ ଦେଇ ନ ଥିଲେ। ପରେ ସେ ଓକିଲାତି ବୃତିରେ ନିଜକୁ ସାମିଲ କରିଥିଲେ।
୨: ରାମନାଥ ନିଜ ପୈତୃକ ସମ୍ପତ୍ତିକୁ ଗାଁରେ ସର୍ବସାଧାରଣଙ୍କ ଉଦ୍ଦେଶ୍ୟରେ ଦାନ ଦେଇଦେଇଛନ୍ତି।
୩: ୧୯୭୭ରେ ବିଜେପିରେ ଯୋଗଦାନ ପୂର୍ବରୁ ତତ୍କାଳୀନ ପ୍ରଧାନମନ୍ତ୍ରୀ ମୋରାଜୀ ଦେଶାଇଙ୍କ ବ୍ୟକ୍ତିଗତ ସଚିବ ଥିଲେ।
୪: ଦଳିତ ନେତା ଭାବେ ଜଣାଶୁଣା ରାମନାଥ ୧୯୯୪ରୁ ଉତ୍ତରପ୍ରଦେଶରୁ ରାଜ୍ୟସଭାକୁ ମନୋନିତ ହୋଇଥିଲେ। ମାର୍ଚ୍ଚ (ଦୁଇଟି ଟର୍ମ)୨୦୦୬ ପର୍ଯ୍ୟନ୍ତ ସେ ରାଜ୍ୟସଭାରେ ସଦସ୍ୟ ଥିଲେ।
୫: ବୃତ୍ତିରେ ସେ ଜଣେ ଓକିଲ । ସେ ବିଭିନ୍ନ ସମୟରେ ଦିଲ୍ଲୀ ହାଇକୋର୍ଟ ଓ ସୁପ୍ରିମକୋର୍ଟରେ ସରକାରୀ ଓକିଲ ଭାବେ ଦାୟିତ୍ୱ ସମ୍ଭାଳିଛନ୍ତି।
୬: ସଂସଦରେ ସେ ଅନେକ କମିଟିର ସଦସ୍ୟ ରହିବା ସହ ୧୯୯୮ରୁ ୨୦୦୨ ପର୍ଯ୍ୟନ୍ତ ବିଜେପି ଦଳିତ ମୋର୍ଚ୍ଚାର ସଭାପତି ଥିଲେ।
୭: ୨୦୦୨ରେ ସେ ୟୁନାଇଟେଡ ନେଶନ ଜେନେରାଲ ଆସେମ୍ବ୍ଲି ପାଇଁ ଭାରତରୁ ପ୍ରତିନିଧିତ୍ୱ କରିଥିଲେ।
୮: କୋବିନ୍ଦ ବିବାହିତ ହୋଇଥିବା ବେଳେ ତାଙ୍କର ଗୋଟିଏ ଝିଅ ଏବଂ ଗୋଟିଏ ପୁଅ ଅଛନ୍ତି।
୯: ୨୦୧୫ ଅଗଷ୍ଟ ୮ରେ କୋଭିନ୍ଦ ବିହାର ରାଜ୍ୟପାଳ ଭାବେ ନିଯୁକ୍ତି ପାଇଥିଲେ।