ନୂଆଦିଲ୍ଲୀ: ଆଜି ଆରମ୍ଭ ହୋଇଛି ସଂସଦର ଶୀତକାଳୀନ ଅଧିବେଶନ। ଜାନୁୟାରୀ ୫ ତାରିଖ ଯାଏଁ ଚାଲିବାକୁ ଥିବା ଏହି ଅଧିବେଶନର ପ୍ରଥମ ଦିନରେ ଶୁକ୍ରବାର ଜାତୀୟ ଲୋକଦଳର ସାଂସଦ ଦୁଷ୍ୟନ୍ତ ଚୌଟାଲା ଏକ ଟ୍ରାକ୍ଟରରେ ପାର୍ଲିଆମେଣ୍ଟ ପରିସରକୁ ପ୍ରବେଶ କରିଥିଲେ। ପୂର୍ବରୁ ଅନ୍ୟ ସଦସ୍ୟ ସାଇକେଲ, ବାଇକ୍, ଶଗଡ଼ ଯୋଗେ ଏଭଳି ପ୍ରବେଶ କରିବାର ନଜିର ଥିବା ବେଳେ ଶୀର୍ଷାର ସାଂସଦଙ୍କ ଏଭଳି ପ୍ରବେଶ ଏବେ ଖବର ସିରୋନାମାରେ ରହିଛି।
ଚୌଟାଲାଙ୍କୁ ଏ ବାବଦରେ ପଚରାଯିବାରୁ ସେ କହିଛନ୍ତି ଯେ, ନିକଟରେ ସରକାର ଟ୍ରାକ୍ଟରକୁ ଅଣ ପରିବହନରୁ ପରିବହନକାରୀ(non transport to transport vehicle) ବାହାନ ତାଲିକାର ମାନ୍ୟତା ଦେବାକୁ ନୋଟିଫିକେଶନ୍ ଜାରି କରିଛନ୍ତି। ଯାହାକି କୃଷକମାନଙ୍କ ପ୍ରତି ଅନ୍ୟାୟ। ଏଭଳି କରିବା ଦ୍ୱାରା ଟ୍ରାକ୍ଟର ଚାଳକଙ୍କୁ ଏବେ ଟୋଲ ଗେଟ୍ରେ ଟାକ୍ସ ଦେବାକୁ ପଡିବ। ଏହି ପ୍ରସଙ୍ଗକୁ ବିରୋଧ କରି ସେ ଏଭଳି ଟ୍ରାକ୍ଟର ଧରି ସଂସଦ ପରିସରକୁ ପ୍ରେବେଶ କରିଛନ୍ତି ବୋଲି କହିଛନ୍ତି। ଏକ ନିଳ ରଙ୍ଗରେ ଟ୍ରାକ୍ଟରରେ ଚୌଟାଲା ଆସୁଥିବାର ଦୃଶ୍ୟ ସବୁ ଗଣମାଧ୍ୟମରେ ଏବେ ଚର୍ଚ୍ଚିତ ଖବର ହୋଇ ରହିଛି।
ପୂର୍ବରୁ ସରକାରଙ୍କ ଏହି ନିଷ୍ପତ୍ତି ସମ୍ପର୍କରେ ସେ କେନ୍ଦ୍ର ପରିବହନ ମନ୍ତ୍ରୀ ନୀତିନ ଗଡକରିଙ୍କୁ ଭେଟିଥିଲେ ମଧ୍ୟ ମନ୍ତ୍ରୀ ମହୋଦୟ ପ୍ରତିଶ୍ରୁତି ମୁତାବକ ପଦକ୍ଷେପ ନେଇ ନାହାନ୍ତି ବୋଲି ଅଭିଯୋଗ କରିଛନ୍ତି।
ଘୋଡ଼ାଠୁ ଟ୍ରାକ୍ଟର ପର୍ଯ୍ୟନ୍ତ ସବୁ ଗଡିଛି ଏଠି
ବିଜୁ ବାବୁ ବି ଚଢିଥିଲେ ସାଇକେଲ
ପେଟ୍ରୋଲ ଦର ବୃଦ୍ଧି ପ୍ରତିବାଦରେ ଏକଦା ରାଜ୍ୟର ପ୍ରବାଦ ପୁରୁଷ ବିଜୁ ପଟ୍ଟନାୟକ ମଧ୍ୟ ସାଇକେଲ ଚଢି ବିଧାନସଭାକୁ ଆସିଥିଲେ।
...................
....................