ବାଗଦାଦ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ଦ୍ଦେଶକ୍ରମେ ଇରାକରେ ଆମେରିକା ଏୟାର ଷ୍ଟ୍ରାଇକ କରିଛି। ଗତକାଲି ବିଳମ୍ୱିତ ରାତିରେ ଆମେରିକା ସେନା ଅତର୍କିତ ଭାବରେ ଇରାକରେ ଏହି ଏୟାର ଷ୍ଟ୍ରାଇକ କରିଛି। ଏଥିରେ ଇରାନର ରିଭୋଲ୍ୟୁସନାରୀ ଗାର୍ଡର କମାଣ୍ଡର ମେଜର ଜେନେରାଲ କସିମ ସୁଲେମାନୀଙ୍କର ମୃତ୍ୟୁ ହୋଇଛି। ଏ ନେଇ ଟ୍ରମ୍ପ ଆମେରିକାର ଜାତୀୟ ପତାକାକୁ ଟୁଇଟ୍ କରି ତାଙ୍କ ନିର୍ଦ୍ଦେଶରେ ଏହି ଆକ୍ରମଣ ହୋଇଥିବା ସେ ଇଙ୍ଗୀତ କରିଛନ୍ତି।
https://twitter.com/realDonaldTrump/status/1212924762827046918
ସୁଲେମାନ ଇରାକର ବାଗଦାଦ ବିମାନ ବନ୍ଦର ନିକଟକୁ ନିଜର ପ୍ରଟୋକଲ ସହିତ ଯାଉଥିବାବେଳେ ଆମେରିକା ହଠାତ୍ ଏୟାର ଷ୍ଟ୍ରାଇକ୍ କରିଥିଲା। ଏଥିରେ ସୁଲେମାନଙ୍କ ସମେତ ମୋଟ ୭ ଜଣଙ୍କର ମୃତ୍ୟୁ ଘଟିଛି। ଏ ନେଇ ଇରାନର ସରକାରୀ ଟିଭି ଚ୍ୟାନେଲ ସ୍ପଷ୍ଟ କରିଛି। ମୃତକଙ୍କ ମଧ୍ୟରେ ଇରାକର ପପୁଲାର ମୋବଲାଇଜେଶନ ଫୋର୍ସର ଡେପୁଟି କମାଣ୍ଡର ଅବୁ ମେହଦି ଅଲ ମୁହାଁନ୍ଦିସର ମଧ୍ୟ ମୃତ୍ୟୁ ଘଟିଛି। ନିକଟରେ ବାଗଦାଦରେ ଥିବା ଆମେରିକାର ଦୂତବାସ ଉପରକୁ ଇରାନ ମିଲିଶିଆ ସମର୍ଥନରେ ଆକ୍ରମଣ କରିଥିଲା। ତେଣୁ ଆମେରିକା ଏଭଳି ଆକ୍ରମଣ କରିଛି ବୋଲି ଆଲୋଚନା ହେଉଛି।
ଅନ୍ୟପଟେ ଆମେରିକାର ଏଭଳି ପଦକ୍ଷେପକୁ ଇରାନ ନାପସନ୍ଦ କରିଛି। ଆମେରିକାର ଏଭଳି କାମ ଆତଙ୍କବାଦୀ କାର୍ଯ୍ୟକଳାପ ସହିତ ସମାନ ବୋଲି ଇରାନର ବୈଦେଶିକ ମନ୍ତ୍ରୀ ଜଓ୍ୱାଦ ଜରିଫ କହିଛନ୍ତି। ଆଗାମୀ ଦିନରେ ଆମେରିକାକୁ ଏହାର ପରିଣାମ ଭୋଗିବାକୁ ପଡ଼ିପାରେ ବୋଲି ସେ ଚେତାବନୀ ଦେଇଛନ୍ତି।
The US' act of international terrorism, targeting & assassinating General Soleimani—THE most effective force fighting Daesh (ISIS), Al Nusrah, Al Qaeda et al—is extremely dangerous & a foolish escalation.
The US bears responsibility for all consequences of its rogue adventurism.
— Javad Zarif (@JZarif) January 3, 2020
ସୁଲେମାନୀ ପଶ୍ଚିମ ଏସିଆର ଇରାନର ସମସ୍ତ ଗତିବିଧି ଉପରେ ନଜର ରଖୁଥିଲେ। ପଶ୍ଚିମ ଏସିଆରେ ଇରାନର ସମସ୍ତ ପଦକ୍ଷେପ ବାବଦରେ ସୁଲେମାନୀ ହିଁ ରଣନୀତି ପ୍ରସ୍ତୁତ କରୁଥିଲେ। ସୁଲେମାନୀ ସିରିଆ ଏବଂ ଇସ୍ରାଏଲରେ ରକେଟ ସାହାଯ୍ୟରେ ଆକ୍ରମଣ କରିଥିବାର ଅଭିଯୋଗ ରହିଛି। ଦୀର୍ଘଦିନ ହେବ ଆମେରିକା ସରକାର ସୁଲେମାନୀଙ୍କୁ ଖୋଜୁଥିଲା। ଆମେରିକାର ଏଭଳି ପଦକ୍ଷେପ ଆଗାମୀ ଦିନରେ ପଶ୍ଚିମ ଏସିଆରେ ସ୍ଥିତି ଜଟିଳ କରିପାରେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
