ମହିଳାଙ୍କ ପାଇଁ ୩୫ ହଜାର ରୋଜଗାର ସୃଷ୍ଟି ଆଶା

ଶ୍ରୀନଗର: ଜମ୍ମୁ କଶ୍ମୀରରେ  ସ୍ୱୟଂସହାୟକ ମହିଳାଙ୍କ ପାଇଁ ସାଥ୍‌ ଗ୍ରାମୀଣ ଉଦ୍ୟୋଗ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଛୋଟ ବ୍ୟବସାୟ କରୁଥିବା ମହିଳାମାନେ କିଭଳି ଆଗକୁ ବଢିବେ, ତାହା କାର୍ଯ୍ୟକ୍ରମର ମୂଳ ଲକ୍ଷ୍ୟ ରହିଛି।  ଜାତୀୟ ଓ ଅନ୍ତଜାର୍ତୀୟ ସ୍ତରରେ ସ୍ଥାନୀୟ ମହିଳା ଉଦ୍ୟୋଗୀମାନେ କିଭଳି ନିଜର ବ୍ୟବସାୟ ବଢାଇପାରିବେ, ସେନେଇ ସେମାନଙ୍କୁ ତାଲିମ ଦିଆଯିବ। ୫ହଜାର ମହିଳାଙ୍କୁ ୱାର୍କସପ୍‌ରେ ମାର୍କେଟିଂ, ପ୍ୟାକେଜିଂ, ବ୍ରାଣ୍ଡିଂ ସମ୍ବନ୍ଧୀୟ ଜ୍ଞାନ କୌଶଳ ପ୍ରଶିକ୍ଷଣ ଦିଆଯିବ । ମୋଟ୍ ୮ହଜାର ୮୫ ଜଣ ଆବେଦନକାରୀ ଏହି କାର୍ଯ୍ୟକ୍ରମ ପାଇଁ ଆବେଦନ କରିଥିବାବେଳେ କଶ୍ମୀରର ବାରମୁଲା ଜିଲ୍ଲାରୁ ଅଧିକ ଆବେଦନ ଆସିଥିବା ଜଣାପଡିଛି। ପ୍ରଶିକ୍ଷଣ କାର୍ଯ୍ୟକ୍ରମ ପାଇଁ ୫ଶହ ଉଦ୍ୟୋଗୀ ମହିଳା ମନୋନୀତ ହୋଇଛନ୍ତି। ସେମାନଙ୍କ ମାଧ୍ୟମରେ ସାଥ୍ କାର୍ଯ୍ୟକ୍ରମ ଜିଲ୍ଲାରେ ୩୫ ହଜାର ରୋଜଗାର ସୃଷ୍ଟି କରିବାର ଆଶା ରଖିଥିବା କହିଛନ୍ତି ଜମ୍ମୁ କାଶ୍ମୀର ଗ୍ରାମୀଣ ଜୀବିକା ମିଶନର ନିର୍ଦ୍ଦେଶକ ଡ.ସୟିଦ୍ ସେହରିସ୍ ଅସଗର୍ ।