ମୋଦିଙ୍କ ଲାଇଫ୍ ଷ୍ଟାଇଲରୁ ଇମୋଶନାଲ ହୋଇଗଲେ ଟ୍ରମ୍ପଙ୍କ ଝିଅ ଇଭାଙ୍କା : ଦେଖନ୍ତୁ ଭିଡିଓ
- Published: Tuesday, 28 November 2017
- , Updated: 28 November 2017, 09:19 PM IST
<p>ହାଇଦ୍ରାବାଦ: ହାଇଦ୍ରାବାଦରେ ଆରମ୍ଭ ହୋଇଛି ଗ୍ଲୋବାଲ୍ ଏଣ୍ଟରପ୍ରିନିଓରସିପ୍ ସମିଟ୍- GES 2017 । ଏଥିରେ ୧୬୦ଟି ଦେଶର ପ୍ରତିନିଧି ଯୋଗ ଦେଇଛନ୍ତି । ତେବେ ଫୋକସ୍‌ରେ ଅଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଝିଅ ତଥା ଆମେରିକା ପ୍ରତିନିଧି ଦଳର ନେତୃତ୍ୱ ନେଉଥିବା ଇଭାଙ୍କା ଟ୍ରମ୍ପ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଇଭାଙ୍କା ମିଳିତ ଭାବେ ସମ୍ମିଳନୀକୁ ଉଦ୍‌ଘାଟନ କରିଛନ୍ତି। ଏହି ଅବସରରେ ଇଭାଙ୍କା ଓ ମୋଦି ଭାରତୀୟ ଗଣତନ୍ତ୍ରକୁ ଉଚ୍ଚ ପ୍ରଶଂସା କରିଛନ୍ତି। ସେହିପରି ଟ୍ରମ୍ପଙ୍କ ଝିଅ ତଥା ତାଙ୍କ ପରାମର୍ଶଦାତା ଇଭାଙ୍କା ଟ୍ରମ୍ପ୍ ପ୍ରଧାନମନ୍ତ୍ରୀ ମୋଦିଙ୍କୁ ଭୂୟସୀ ପ୍ରଶଂସା କରିଛନ୍ତି।</p>
<p>ସେହିପରି ମୋଦିଙ୍କ ପ୍ରଶଂସାରେ ଇଭାଙ୍କା ଅତ୍ୟନ୍ତ ଭାବବିହ୍ଵଳ ହୋଇପଡ଼ିଥିଲେ।କହିଥିଲେ, ନିଜେ ଯେମିତି ଚା’ବିକାଳିରୁ ପ୍ରଧାନମନ୍ତ୍ରୀ ହୋଇପାରିଲେ ଆପଣଙ୍କ ଜୀବନରେ ସବୁ ପରିବର୍ତ୍ତନ ସମ୍ଭବ।’ ଆପଣ ବିଶ୍ୱ ଆର୍ଥିକ ଓ ସାମାଜିକ କ୍ଷେତ୍ରରେ ମଧ୍ୟ ବିରାଟ ପରିବର୍ତ୍ତନ ଆଣିପାରିବେ। ଏହି ଅବସରରେ ସେ ଭାରତକୁ ଆମେରିକାର ସଚ୍ଚା ବନ୍ଧୁ ଭାବେ ବର୍ଣ୍ଣନା କରିବା ସହ ଭାରତୀୟ ଗଣତନ୍ତ୍ରର ମଧ୍ୟ ପ୍ରଶଂସା କରିଛନ୍ତି ଇଭାଙ୍କା ଟ୍ରମ୍ପ୍।</p>
<p>ଆମେରିକା ଓ ଭାରତ ସରକାରଙ୍କ ମିଳିତ ଆନୂକୁଲ୍ୟରେ ଏହି ସମ୍ମିଳନୀ ହାଇଦ୍ରାବାଦରେ ଅନୁଷ୍ଠିତ ହେଉଛି। ଏଥିରେ ପ୍ରାୟ ୧୬୦ଟି ଦେଶରୁ ଉଦ୍ୟୋଗୀ ଏବଂ ନିବେଶକମାନେ ଯୋଗ ଦେଇଛନ୍ତି। ଚଳିତ ଥର ଥିମ୍ ରହିଛି women first, prosperity for all। ଅର୍ଥାତ ପ୍ରଥମେ ମହିଳା, ସମସ୍ତଙ୍କ ପାଇଁ ସମୃଦ୍ଧି । ଏହି ସମ୍ମିଳନୀରେ ୫୦ ପ୍ରତିଶତରୁ ଅଧିକ ମହିଳା ପ୍ରତିନିଧି ଅଂଶଗ୍ରହଣ କରୁଛନ୍ତି।</p>
<p>ଏହିପରିପ୍ରେକ୍ଷୀରେ ଇଭାଙ୍କା ତାଙ୍କ ଅଭିଭାଷଣରେ କହିଥିଲେ ଯେ, ମହିଳାମାନଙ୍କ ସଶକ୍ତୀକରଣ ହେଲେ ହିଁ ଯାଇ ପରିବାର, ଅର୍ଥନୀତି ଓ ସମାଜ ସଶକ୍ତ ହେବା ସହ ପ୍ରଭାବଶାଳୀ ହୋଇପାରିବ। ସେହିପରି ମୋଦି ତାଙ୍କ ଅଭିଭାଷଣରେ ଭାରତର ମହିଳାମାନଙ୍କର ସ୍ଥାନ ସ୍ୱତନ୍ତ୍ର। ଭାରତୀୟ ପରମ୍ପରାରେ ମହିଳାଙ୍କୁ ଶକ୍ତି ରୂପେ ପୂଜା କରାଯାଇଥାଏ ବୋଲି କହିଥିଲେ। ଏହି ସମ୍ମିଳନୀ ଆସନ୍ତା ୩୦ ତାରିଖ ପର୍ଯ୍ୟନ୍ତ ଚାଲିବ।</p>
