ନ୍ୟୁୟର୍କ: ଆତଙ୍କବାଦୀ ସଂଗଠନ ଲସ୍କର-ଇ-ତୋଇବା(ଏଲଇଟି) ଓ ହାକ୍କାନି ନେଟୱାର୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କର। ଆମେରିକାର ପରରାଷ୍ଟ୍ର ସଚିବ ଜନ୍ କେରି ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କୁ ଆଜି ଏହି ପରାମର୍ଶ ଦେଇଛନ୍ତି।
ପାକିସ୍ତାନ ପ୍ରଧାନମନ୍ତ୍ରୀଙ୍କୁ ଜନ୍ କେରି କହିଛନ୍ତି ଯେ, ଆତଙ୍କବାଦୀଙ୍କ ମଧ୍ୟରେ ପାର୍ଥକ୍ୟ ଦେଖ ନାହିଁ। ସବୁ ଆତଙ୍କବାଦୀ ସଂଗଠନ ଗୁଡିକ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କର। ଲସ୍କର ଓ ହାକ୍କାନି ଭଳି ଆତଙ୍କବାଦୀ ସଂଗଠନ ଗୁଡିକ ଏଥିରୁ ବାଦ ଦିଅ ନାହିଁ।ବେଆଇନ ଘୋଷିତ ଲସ୍କର-ଇ-ତୋଇବା ୨୦୦୮ରେ ମୁମ୍ବାଇ ଆକ୍ରମଣ କରି ୧୬୬ ଜଣଙ୍କୁ ହତ୍ୟା କରିଥିଲା।
ସେହିପରି ଆଫଗାନିସ୍ତାନର ଆତଙ୍କବାଦୀ ସଂଗଠନ ହାକ୍କାନି ନେଟୱାର୍କ ୨୦୦୮ରେ କାବୁଲ ସ୍ଥିତ ଭାରତୀୟ ଦୂତାବାସ ଉପରେ ଆକ୍ରମଣ କରିଥିଲେ। ଏଥିରେ ୫୮ ଜଣ ଲୋକଙ୍କ ମୃତ୍ୟୁ ହୋଇଥିଲା।୨୦୧୧ରେ ଏହି ସଂଗଠନ କାବୁଲରେ ଥିବା ଆମେରିକୀୟ ଦୂତାବାସ ଉପରେ ମଧ୍ୟ ଆକ୍ରମଣ କରିଥିଲା।