ନୂଆଦିଲ୍ଲୀ: ଦିଲ୍ଲୀର ଆମ୍ ଆଦମୀ ପାର୍ଟି ସରକାର କେନ୍ଦ୍ର ସରକାରଙ୍କ ଆୟୁଷ୍ମାନ ଭାରତ ଯୋଜନା ଲାଗୁ କରିବେ। ଏନେଇ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଦିଲ୍ଲୀ ବଜେଟ୍ ୨୦୨୦-୨୧ ଉପସ୍ଥାପନ ଅବସରରେ ଘୋଷଣା କରିଛନ୍ତି। ଅରବିନ୍ଦ କେଜ୍ରିୱାଲଙ୍କ ସରକାର ପୂର୍ବରୁ ଏହି ସ୍କିମ୍କୁ ଲାଗୁ କରିନଥିଲେ। ଅନ୍ୟପକ୍ଷରେ କିଛି ରାଜ୍ୟ ଏହି ସ୍କିମ୍କୁ ଲାଗୁ କରିବାକୁ ମନା କରିବା ସହ ସମାଲୋଚନା କରିବାକୁ ମଧ୍ୟ ପଛାଇନଥିଲେ।
କରୋନା ଭାଇରସ୍ ମୁକାବିଲା ପାଇଁ ସ୍ୱାସ୍ଥ୍ୟ ସେବା କ୍ଷେତ୍ରକୁ ଗୁରୁତ୍ୱ ଦିଆଯାଉଥିବା ସମୟରେ ହିଁ ଦିଲ୍ଲୀ ସରକାର ଏଭଳି ନିଷ୍ପତ୍ତି ନେଇଛନ୍ତି।
ସିସୋଦିଆଙ୍କ ଅଧୀନରେ ଦିଲ୍ଲୀର ଅର୍ଥ ମନ୍ତ୍ରଣାଳୟ ମଧ୍ୟ ଥିବାରୁ ସେ ଆଜି ବଜେଟ୍ ବାବଦରେ ଘୋଷଣା କରିଛନ୍ତି। ସେ ମୋଟ ୬୫ ହଜାର କୋଟି ଟଙ୍କାର ବଜେଟ୍ ଘୋଷଣା କରିଛନ୍ତି।
ଏତଦ୍ବ୍ୟତୀତ ସିସୋଦିଆ ଏକ ଇଲେକ୍ଟ୍ରି ସବସିଡି ସ୍କିମ୍ ବାବଦରେ ଘୋଷଣା କରିଛନ୍ତି। ଏହା ଆଗାମୀ ଆର୍ଥିକ ବର୍ଷ ଯାଏ ଚାଲିବ।